Uttarakhand Bus Accident: गंगोत्री महामार्गावर अपघात, 33 प्रवाशांना घेऊन जाणारी बस खड्ड्यात पडली; अनेक प्रवाशांचा मृत्यू झाल्याची शक्यता
या अपघातात (Accident) पाच ते सहा जणांचा मृत्यू झाल्याचे वृत्त आहे. तर अनेक जण जखमी झाल्याचे सांगण्यात येत आहे. घटनास्थळी बचावकार्य सुरू आहे.
Uttarakhand Bus Accident: उत्तराखंड (Uttarakhand) मध्ये रविवारी एक वेदनादायक दुर्घटना घडली. गंगोत्री महामार्गावर गंगनानीजवळ प्रवाशांना घेऊन जाणारी बस दरीत कोसळली. या अपघातात (Accident) पाच ते सहा जणांचा मृत्यू झाल्याचे वृत्त आहे. तर अनेक जण जखमी झाल्याचे सांगण्यात येत आहे. घटनास्थळी बचावकार्य सुरू आहे.
मिळालेल्या माहितीनुसार, बस क्रमांक (uk 07 8585) 33 प्रवाशांसह गंगोत्रीहून उत्तरकाशीच्या दिशेने येत होती. यादरम्यान बस अनियंत्रित होऊन खड्ड्यात पडली. जिल्हा आपत्ती व्यवस्थापनानुसार आतापर्यंत 19 जखमींना वाचवण्यात यश आले आहे.
जखमींना 108 रुग्णवाहिकेने उपचारासाठी रुग्णालयात दाखल करण्यात आले आहे. त्याचवेळी एक मृतदेह सापडला आहे. एसपी अर्पण यदुवंशीही घटनास्थळी रवाना झाले आहेत. त्याचवेळी जिल्हा रुग्णालयातून आणखी दोन रुग्णवाहिका घटनास्थळी पाठवण्यात आल्या आहेत.
तथापी, मंगळवारी डेहराडूनहून उत्तरकाशीकडे येणाऱ्या परिवहन महामंडळाच्या बसला मौरीमानाजवळ अपघात झाला होता. या अपघातात 20 जण जखमी झाले होते. मौरियानाजवळ बस रस्त्यावरून घसरली आणि एका झाडावर अडकली, ज्यामध्ये 20 लोक जखमी झाले होते.