Hyderabad Crime: अज्ञात टोळक्यांकडून अपहरण करत तरुणाला बेदम मारहाण, गुन्हा दाखल

हैदराबादमधील (Hyderabad) राजेंद्रनगर पोलीस ठाण्याच्या (Rajendranagar Police Station) हद्दीतील लंगर हाऊस परिसरात तरुणांच्या टोळीने अपहरण केलेल्या एका व्यक्तीला विवस्त्र करून निर्दयपणे मारहाण (Beating) करण्यात आली. ही घटना मंगळवारी, 6 डिसेंबर रोजी सायंकाळी घडल्याचे सांगण्यात येत आहे. एमडी इरफान म्हणून ओळखल्या जाणार्‍या या व्यक्तीला त्याच परिसरातील तरुणांच्या गटाने त्रास दिला. टोळीने कथितरित्या त्याचे अपहरण केले, त्याला एका निर्जनस्थळी नेले आणि बेल्टने क्रूरपणे मारहाण केली. या संपूर्ण घटनेचे तरुणांनी रेकॉर्डिंग करून ते सोशल मीडियावर अपलोड केले. या मुलाने कसा तरी घटनास्थळावरून पळ काढला. हेही वाचा Assam Police: श्रद्धा वालकर प्रकरणाचा दाखला देत आसाममध्ये फेक पोस्ट सोशल मीडियावर व्हायरल

राजेंद्रनगर पोलीस ठाण्यात तक्रार दाखल केली. यात पीडित तरुण जखमी झाला असून त्याला उपचारासाठी रुग्णालयात दाखल करण्यात आले आहे. पोलिसांनी दिलेल्या माहितीनुसार, ही घटना मंगळवारी सायंकाळी घडली. याप्रकरणी राजेंद्रनगर पोलिस ठाण्यात संबंधित कलमान्वये गुन्हा दाखल करण्यात आला आहे. पुढील तपास सुरू आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)