Murder | Image only representative purpose (Photo Credits: Pxhere)

दिल्लीच्या (Delhi) द्वारका (Dwarka) येथून एक हृदयद्रावक प्रकरण समोर आले आहे. जिथे एका व्यक्तीने एका महिला दुकानदाराची हत्या (Murder) केली कारण त्या महिलेने आरोपीला पिण्यासाठी बिडी दिली नाही. ही संपूर्ण घटना जवळच लावण्यात आलेल्या सीसीटीव्ही (CCTV) फुटेजमध्ये कैद झाली आहे. मात्र, जेव्हा आरोपीने घटना घडल्यानंतर पळून जाण्याचा प्रयत्न केला, तेव्हा स्थानिक लोकांनी त्याला पकडले आणि मारहाण केली. पोलिसांकडून अडवल्यावर त्याने पोलिसांशी गैरवर्तन केले आणि गाडीची तोडफोड केली. पोलिसांनी सध्या आरोपींविरोधात गुन्हा दाखल करत त्याला अटक केली आहे.

दीपक नावाचा माणूस रविवारी रात्री अकराच्या सुमारास 30 वर्षीय विभाच्या किराणा दुकानात पोहोचला. आरोपी दीपक गंभीर नशेत असला तरी दीपकने महिलेला बीडी द्यायला सांगितले, पण महिला दुकानदाराने बिडी देण्यास नकार दिला. यानंतर दीपक रागावला आणि महिलेशी भांडायला लागला. प्रकरण इतकं वाढलं की दीपकने त्याच्या बॅगमधून चाकू काढून महिलेवर हल्ला केला. डोक्यात राग इतका होता की दीपकने महिलेचा गळा चिरला.

ही घटना घडल्यानंतर दीपक पळून जाऊ लागला तेव्हा स्थानिक लोकांनी त्याचा पाठलाग करून त्याला मारहाण करण्यास सुरुवात केली. पोलिसांना तोपर्यंत माहिती मिळाली होती आणि जेव्हा त्यांनी आरोपींना स्थानिक लोकांपासून वाचवण्याचा प्रयत्न केला तेव्हा स्थानिक लोकांनी पोलिसांशी गैरवर्तन करण्यास सुरुवात केली. दुसरीकडे, रक्ताने माखलेल्या महिलेला तातडीने जवळच्या रुग्णालयात नेण्यात आले, परंतु डॉक्टरांनी तिला मृत घोषित केले. हेही वाचा Madhya Pradesh: ट्राफिकमध्ये अडकलेल्या रिक्षामधून माकडाने पळवले 1 लाख रुपये, जाणून घ्या काय घडले पुढे...

डीसीपी द्वारका शंकर चौधरी यांनी आयएएनएसला सांगितले, आरोपीला नशेचे व्यसन आहे, त्याने किराणा दुकान चालवणाऱ्या महिलेकडून बिडी मागितली पण कर्जाच्या व्यवहारामुळे परिस्थिती बिघडली. आरोपीने पळून जाण्याचा प्रयत्न केला, परंतु स्थानिक लोकांनी त्याला पकडले आणि त्याला मारहाण करण्यास सुरुवात केली. त्याचवेळी पोलीस आले, पण जमाव चिडला आणि कठोर संघर्षानंतर आरोपीला रुग्णालयात नेण्यात आले.

ते पुढे म्हणाले, आरोपी विरोधात कलम 302 अन्वये गुन्हा दाखल करण्यात आला आहे. शस्त्र आमच्याकडे आहे आणि आरोपी देखील. याशिवाय आम्ही एका महिलेसह 5 स्थानिक लोकांना अटक केली आहे. कारण आमच्या जवानांवर हल्ला झाला आणि आमच्या कारची तोडफोड करण्यात आली. यासह, ज्या लोकांनी पोलिसांना मदत केली त्यांचाही सन्मान केला जाईल. मारहाणीमुळे आरोपी दीपक जखमी झाला असून त्याला रुग्णालयात दाखल करण्यात आले आहे. तो रुग्णालयातून बाहेर पडताच पोलिस त्याला अटक करतील.