‘महत्त्वाच्या अवयवांवर 4 वेळा वार करणे म्हणजे खून’; न्यायालयाने महत्त्वपूर्ण निरीक्षण नोंदवून 34 वर्षीय व्यक्तीला दिली जन्मठेपेची शिक्षा
टेम्पोमध्ये बैल नेण्यास नकार दिल्याने झालेल्या वादानंतर आरोपीने मित्राचा खून केला होता. या खटल्याची सुनावणी करताना न्यायालयाने 34 वर्षीय आरोपीला जन्मठेपेची शिक्षा सुनावली आहे.
गोवंश कत्तलीच्या व्यवसायात गुंतलेला हत्येच्या गुन्ह्याची सुनावणी करताना न्यायालयाने महत्त्वपूर्ण निरीक्षण नोंदवत आरोपीला जन्मठेपेची शिक्षा (Life Imprisonment) सुनावली आहे. महत्त्वाच्या अवयवांवर 4 वेळा वार करणे म्हणजे खून (Murder), असं निरीक्षण न्यायालयाने नोंदवलं. प्राप्त माहितीनुसार, हे प्रकरण 2018 मधील आहे. टेम्पोमध्ये बैल नेण्यास नकार दिल्याने झालेल्या वादानंतर आरोपीने मित्राचा खून केला होता. या खटल्याची सुनावणी करताना न्यायालयाने 34 वर्षीय आरोपीला जन्मठेपेची शिक्षा सुनावली आहे.
काय आहे नेमकी प्रकरण?
प्राप्त माहितीनुसार, गुरेढोरावरून झालेल्या भांडणानंतर नऊ दिवसांनी आरोपीने धर्मा चौहान नावाच्या व्यक्तीची हत्या केली. धर्मा चौहान या टेम्पो चालकाने आरोपी बिलाल सय्यद याच्याकडे फोन मागितला. बिलालने गुरांची वाहतूक न केल्यामुळे झालेल्या नुकसानच्या बदल्यात फोन घेतला होता. न्यायाधीश एस.डी. तावशीकर यांनी सांगितले की, घटनेच्या वेळी धर्मा [पीडित] दारूच्या नशेत होता. असे मृत्यूच्या अंतिम अहवालातून स्पष्ट झाले आहे. तरीही बिलालने ‘टोचा’ (बर्फ तोडणारा) किंवा असे काहीतरी आणले आणि धर्मावर चार वार केले. त्यामुळे बिलालने परिस्थितीचा अवाजवी फायदा घेतला नाही असे म्हणता येणार नाही.
याप्रकरणी न्यायालयाने आरोपीला 10 हजार रुपयांचा दंडही ठोठावण्यात आला आहे. रहमतुल्ला शेख आणि अस्लम शेख या अन्य दोघांची पुराव्याअभावी निर्दोष मुक्तता करण्यात आली आहे. सरकारी वकील अजित चव्हाण यांनी 16 साक्षीदारांचे पुरावे दाखल केले. (हेही वाचा - Wife To Pay Maintenance To Husband: ब्युटी पार्लर चालवणाऱ्या पत्नीला बेरोजगार पतीला दरमहा द्यावे लागणार 5 हजार रुपये)
वादातून घडली हत्या -
21 सप्टेंबर 2018 रोजी धर्माने खोपोलीहून शहरात मूळ करारबद्ध म्हशींऐवजी बैल नेण्यास नकार दिल्याने बिलाल आणि त्याच्यात पहिले भांडण झाले, असा आरोप करण्यात आला. 30 सप्टेंबर 2018 रोजी धर्मा- प्रत्यक्षदर्शी व इतर तिघांसह बैगनवाडी, गोवंडी येथे बिलालला भेटण्यासाठी गेले. संध्याकाळी 5 च्या सुमारास, सार्वजनिक शौचालयाजवळ, त्यांनी बिलालीनला इतर आरोपींसोबत कार दिसली. धर्माने त्याचा मोबाईल फोन मागितला पण बिलालने तो देण्यास नकार दिला आणि त्याऐवजी त्याला झालेल्या नुकसानीची भरपाई करण्यास सांगितले. त्यामुळे त्यांच्यात हाणामारी झाली. बिलालने धर्माच्या छातीवर आणि पोटावर अनेक वार केले. त्यानंतर सर्व आरोपी पळून गेले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)