पाकिस्तानने दहशतवाद मुक्त वातावरण निर्माण करण्याची जबाबदारी घेण्याची भारताची मागणी ; 4 फेब्रुवारी 2021 च्या ताज्या मराठी बातम्या आणि ब्रेकिंग न्यूज LIVE

पाकिस्तानने दहशतवाद मुक्त वातावरण निर्माण करण्याची जबाबदारी घ्यावी असे भारत सरकारने म्हटले आहे. सर्व दिशेने शांततेचा हात पुढे करण्याची वेळ आली आहे. या पाक लष्करप्रमुख जनरल कमर जावेद बाजवा यांच्या टिप्पणीनंतर भारताने असे म्हटले आहे.

झारखंड मध्ये आज कोरोनाचे 58 नवे रुग्ण; 64 जणांची कोरोनावर मात

एकूण रुग्णसंख्या: 1,18,897

कोरोनावर मात केलेल्यांची संख्या: 1,17,373

मृतांचा आकडा: 1077

सक्रीय रुग्ण: 447

शेतकरी तेथे शांततापूर्वक बसून आहेत. जर त्यांनी शांततेचा मार्ग इतर कोणत्याही मार्गासाठी सोडला तर देशाला एक मोठी समस्या भेडसावेल आणि त्याची जबाबदारी भाजपा सरकारला घ्यावी लागेल. यासारख्या अनेक समस्या आहेत. सत्तेत असलेले लोक असंवेदनशील आहेत असे राष्ट्रवादी काँग्रेस अध्यक्ष शरद पवार म्हणाले.

दिल्लीचे मुख्यमंत्री अरविंद केजरीवाल यांची उद्या कॅबिनेट बैठक आयोजित करण्यात आली आहे.

हिमाचल प्रदेशमध्ये आज दिवसभरात 16 कोरोनाचे रुग्ण बरे झाले असून एकूण 56,268 रुग्णांनी कोरोनावर यशस्वीरित्या मात केली आहे.

लोकसभेचे कामकाज उद्यापर्यंत तहकूब करण्यात आले आहे.

मुंबईत आज दिवसभरात 463 नवे कोरोनाचे रुग्ण आढळले असून एकूण कोरोना बाधितांची संख्या 3,10,597 इतकी झाली आहे.

महाराष्ट्रात आज दिवसभरात 2736 नवे कोरोनाचे रुग्ण आढळले असून 46 रुग्णांचा मृत्यू झाला आहे. यामुळे कोरोना बाधितांची एकूण संख्या 20,36,002 पोहोचली असून मृतांचा आकडा 51,215 वर पोहोचली आहे.

मराठी सिनेसृष्टीतील ज्येष्ठ अभिनेते राघवेंद्र कडकोळ यांचे आज पुण्यात निधन झाले. वयाच्या 83 वर्षी त्यांनी अखेरचा श्वास घेतला. 

राष्ट्रपती रामनाथ कोविंद यांचे बंगळूरु येथे आगमन झाले असून त्यांच्या स्वागतासाठी मुख्यमंत्री बी एस येडियुरप्पा उपस्थित होते.

Toolkit प्रकरण हे अत्यंत गंभीर असून यात काही परदेशी घटक भारताची बदनामी करण्याचे षडयंत्र रचत आहेत असे माहिती व प्रसारण मंत्री प्रकाश जावडेकर यांनी सांगितले आहे.

शहापूरकरांच्या पाण्याचा प्रश्न आता लवकरच सुटणार. या तालुक्याला पाणीपुरवठा  करणारी भावली धरणाची निविदा येत्या 15 दिवसांत निघणार असे पाणीपुरवठा आणि स्वच्छता मंत्री गुलाबराव पाटील यांनी सांगितले. 

काँग्रेस नेते नाना पटोले यांनी आज विधानसभा अध्यक्षपदाचा राजीनामा दिला आहे. उपसभापती नरहरी झिरवाल यांच्याकडे आपला राजीनामा सोपविला.

येत्या 6 फेब्रुवारीला दिल्ली सोडून अन्य सर्व ठिकाणी 3 तासांचा 'चक्का जाम' ठेवण्यात येणार आहे. यात अडकलेल्या लोकांना अन्न आणि पाणी दिले जाईल अशी माहिती भारतीय किसान युनियन राकेश टिकैट यांनी दिली आहे.

दिल्ली पोलिस आयुक्त एस.एन. श्रीवास्तव संसदेत दाखल झाले आहेत. ट्वीट-

आज शेअर मार्केट बंद होताना सेन्सेक्स 358.54 अंकांनी वधारून आतापर्यंत सर्वाधिक 50,614.29 वर बंद झाला आहे. तर निफ्टी देखील 105.70 अंकांनी वाढून 14,895.65 ला बंद झाला आहे.

महाराष्ट्र आणि केरळ मध्ये अजूनही कोरोना रूग्णांची संख्या अधिक आहे. मात्र आता देशाचा एकूण पॉझिटिव्हिटी रेट 5.42% असल्याची माहितीराजेश भूषण, आरोग्य मंत्रालय सचिव यांनी दिली आहे.

कोरोनाच्या पार्श्वभूमीवर पश्चिम बंगाल निवडणुकीपूर्वी भाजपाची रथयात्रा रोखण्यासाठी कलकत्ता उच्च न्यायालयात जनहित याचिका दाखल करण्यात आली आहे. पुढील सुनावणी 9 फेब्रुवारी रोजी होणार आहे. ट्वीट-

भारतीय स्वातंत्र्य चळवळीत महत्वाची घटना समजल्या जाणाऱ्या चौरी चौरा हत्याकांडाच्या शताब्दी समारंभाच पंतप्रधान नरेंद्र मोदी यांच्या हस्ते उदघाटन झाले आहे. ट्विट-

बॉलिवूड अभिनेत्री आणि शिवसेना नेते उर्मिला मातोंडकर यांनी त्यांचा वाढदिवस शिवसेनाशाखा 84 मधील लहान गरजू मुलांबरोबर साजरा केला आहे. ट्विट-