बॉलिवूड अभिनेत्री Sunny Leone चे नाव ‘चुकून’ कोलकाताच्या एका महाविद्यालयाच्या गुणवत्ता यादीत दिसून आले असल्याचे अधिकाऱ्यांनी सांगितले आहे.

कोविड-19 लॉकडाऊन उल्लंघन करून, बिहारच्या किशनगंज जिल्ह्यातील पक्ष कार्यालयाजवळ बैठक आयोजित केल्याबद्दल AIMIM च्या 200 नेत्यांविरुद्ध आणि कार्यकर्त्यांविरूद्ध FIR नोंदविला आहे.

कोरोना व्हायरस साथीच्या आजाराच्या पार्श्वभूमीवर सरकारने 7 मे रोजी 'वंदे भारत' मिशन सुरू केल्यावर, 12 लाखाहून अधिक भारतीय परदेशातून परतले असल्याची माहिती परराष्ट्र मंत्रालयाने दिली.

असम राज्यातील तेजपूर येथे भूकंप झाला आहे. भूकंपमापक यंत्रावर या भूकंपाची 3.4 रिस्टर स्केलची नोंद झाली. या भूकंपाचा केंद्रबिंदू तेजपूर येथे होता.

अभिनेता सुशांतसिंह राजपूत यांच्या मृत्यूप्रकरणी 'मीडिया ट्रायल' स्थगित करण्यासाठी मुंबई उच्च न्यायालयात याचिका दाखल, यामुळे चौकशीला बाधा येऊ शकते अशी शक्यता.

पुणे शहरात आज नव्याने 1,773 कोरोनाबाधित रुग्णांची नोंद झाली असून, एकूण संख्या 89,090  झाली आहे. तर 1,680 रुग्ण कोरोनामुक्त झाले असून, सध्या 14,995 रुग्णांवर उपचार सुरू आहेत. शहरातील एकूण तपासणी आता 4,26,550 झाली असून, आज 6,092 टेस्ट घेण्यात आल्या.

कन्नड विकास प्राधिकरणाचे अध्यक्ष टी. नागभारणा यांनी बेंगळुरू मेट्रो रेल कॉर्पोरेशनच्या अधिकाऱ्यांच्या सोबत बैठक घेतली. त्यामध्ये ते म्हणाले की, बेंगळुरू मेट्रो रेल कॉर्पोरेशनने मेट्रो स्थानक आणि गाड्यांमधून हिंदी चिन्ह काढून टाकावे आणि मेट्रो ट्रेन आणि स्थानकांमधील हस्ताक्षर कन्नड व इंग्रजीमध्ये असावेत.

गोव्यात कोरोनाचे आणखी 456 रुग्ण आढळून आले आहेत.

पंजाब येथे कोरोनाचे आणखी 1746 रुग्ण आढळून आल्याने आकडा 47,836 वर पोहचला आहे.

कर्नाटक येथे कोरोनाचे आणखी 9386 रुग्ण आढळून आले असून 7866 जणांना डिस्चार्ज देण्यात आला आहे.

महाराष्ट्रात आज कोरोनाचे आणखी 14,718 रुग्ण आढळून आले असून 355 जणांचा बळी गेला आहे. त्यामुळे राज्यातील कोरोनाबाधितांचा आकडा 7 लाखांच्या पार गेला आहे.

विक्रोळी येथील कन्नमवार नगर येथे एलिव्हेटर कोसळल्याने दोन जणांचा बळी गेल्याची माहिती महापालिकेने दिली आहे.

पंजाब मधील आमदार/मंत्र्यांना कोरोनाची लागण झाल्याचा आकडा 29 वर पोहचला आहे.

पंजाब मध्ये कोरोना व्हायरसची परिस्थिती पाहता वाहनांच्या कागदपत्रांची वैधता येत्या 31 डिसेंबर पर्यंत वाढवण्यात आल्याची माहिती मुख्यमंत्री अमरिंदर सिंग यांनी दिली आहे.

तमिळनाडू येथे कोरोनाचे आणखी 5981 रुग्ण आढळले तर 109 जणांचा बळी गेला आहे.

मणिपूर येथे कोरोनाचे आणखी 140 रुग्ण आढळले तर 128 जणांचा गेल्या 24 तासात प्रकृती सुधारली आहे.

युपी मधील गौतम बुद्ध नगर येथे कोरोनाबाधितांच्या मृत्यूचा आकडा 54 वर पोहचला आहे.

वंदे भारत मिशनसाठी 6 वा टप्पा येत्या 1 सप्टेंबर पासून सुरु होणार  आहे.

जम्मू-कश्मीर मध्ये आज कोरोनाचे आणखी 655 रुग्ण आढळले तर 528 जणांची प्रकृती सुधारली आहे.

भायखळा येथील शुक्लाजी रोडवरील टॉयलेटचा भाग कोसळल्याच्या दुर्घटनेत 12 वर्षीय लहान मुलीसह 70 वर्षीय महिलेचा मृत्यू झाला आहे.