India’s Best Dancer 2: पुण्याची सौम्या कांबळे या शोची ठरली विजेती, ट्रॉफीसह मिळाले कार आणि इतके लाख रुपये
ट्रॉफीसोबतच सौम्या कांबळेला अलिशान कार आणि 15 लाखांचा धनादेशही मिळाला. इतकेच नाही तर तिची कोरिओग्राफर वर्तिकालाही 5 लाख रुपये मिळाले आहेत.
'इंडियाज बेस्ट डान्सर 2' (India’s Best Dancer 2) च्या महाअंतिमसोहळ्यात महाराष्ट्राच्या सौम्या कांबळेने (Saumya Kamb) बाजी मारत यंदाच्या मोसमाची ट्रॉफी जिंकली आहे. सर्वोत्कृष्ट 5 महाअंतिमसोहळ्यात जयपूरच्या गौरव सरवनला फर्स्ट रनर अप तर ओडिशाच्या रोजा राणाला सेकंड रनर अप घोषित करण्यात आले. त्याचवेळी आसामच्या रक्तीम तातुरियाला या स्पर्धेत चौथे स्थान मिळाले, तर जमरूथ पाचव्या क्रमांकावर राहिला. ट्रॉफीसोबतच सौम्या कांबळेला अलिशान कार आणि 15 लाखांचा धनादेशही मिळाला. इतकेच नाही तर तिची कोरिओग्राफर वर्तिकालाही 5 लाख रुपये मिळाले आहेत.
या कलाकारांनी लावली हजेरी
'इंडियाज बेस्ट डान्सर 2' ला टेरेन्स लुईस, गीता कपूर आणि मलायका अरोरा यांनी जज केले होते. मलायका महाअंतिमसोहळ्यात येऊ शकली नाही, तिच्या जागी अभिनेत्री शिल्पा शेट्टी दिसली आणि रॅपर बादशाह आणि गीतकार मनोज मुनताशीर पाहुणे म्हणून शोमध्ये सामील झाले. या शोचा होस्ट मनीष पॉल होता. मनीषने संपूर्ण हंगामात आपल्या कॉमेडीने सर्वांचे मनोरंजन केले. या शोच्या महाअंतिमसोहळ्यात बॉलिवूडचा प्रसिद्ध गायक मिका सिंग आणि कोरिओग्राफर धर्मेश सरही उपस्थित होते.
सौम्याची कोरिओग्राफर वर्तिका ही दुसऱ्यादा जिंकली आहे. पहिल्या सत्रातही त्याने बाजी मारली होती. कोरियोग्राफर आर्यन पात्रासोबत रक्तीम तातुरिया, सनम जोहरसोबत रोजा राणा, रुपेश सोनीसोबत गौरव सरवान आणि सोनाली कारसोबत जमरुथ हे शोचे अंतिम फेरीत होते. रात्री 8 वाजता चॅनलवर फिनालेचे प्रसारण झाले. (हे ही वाचा लग्नाच्या एका महिन्यानंतर Katrina Kaif हिने पती Vicky Kaushal सोबतचा 'हा' फोटो शेअर करत दिले क्युट कॅप्शन)
सौम्या कांबळे सध्या अकरावीला आहे. तिने ठरवले आहे की ती नृत्यासोबतच तिचे शिक्षण पूर्ण करणार आहे. आंतरराष्ट्रीय व्यासपीठावर नृत्यात भारताचे प्रतिनिधित्व करण्याचे त्याचे स्वप्न आहे. यासोबतच सौम्याला कियारा अडवाणीला कोरिओग्राफही करायची आहे कारण ती तीची खूप मोठी फॅन आहे.