प्रियदर्शन जाधव याच्या Love Sulabh सिनेमाच्या शूटिंगला सुरुवात; 'या' कलाकारांच्या प्रमुख भूमिका
अभिनेता, लेखक, दिग्दर्शक प्रियदर्शन जाधव याचा एक नवा चित्रपट येऊ घातला आहे. लव सुलभ असे या सिनेमाचे नाव असून या सिनेमाच्या शूटिंगला सुरुवात झाली आहे.
अभिनेता, लेखक, दिग्दर्शक प्रियदर्शन जाधव (Priyadarshan Jadhav) याचा एक नवा चित्रपट येऊ घातला आहे. 'लव सुलभ' (Love Sulabh) असे या सिनेमाचे नाव असून या सिनेमाच्या शूटिंगला सुरुवात झाली आहे. या सिनेमाचे पोस्टर सोशल मीडियावर शेअर करण्यात आले असून यात प्रियदर्शन जाधव, प्रथमेश परब (Prathamesh Parab), ईशा केसकर (Isha Keskar), मंगेश देसाई (Mangesh Desai) आणि प्रविण तरडे (Pravin Tarde) या कलाकारांच्या प्रमुख भूमिका आहेत. विशेष म्हणजे प्रियदर्शन जाधव या सिनेमात लेखक, अभिनेता, दिग्दर्शक अशा तिहेरी भूमिकेत दिसणार आहे.
ठाण्याचे महापौर नरेशजी म्हसके आणि निर्माते प्रभाकर परब यांच्या हस्ते सिनेमाचा मुहूर्त करण्यात आला. त्यानंतर ठाण्यात चित्रिकरणाला सुरुवात झाली आहे. 'लव सुलभ' सिनेमाच्या पोस्टरवर स्त्री आणि पुरुषाची आकृती दिसत आहे. त्यावर मेंहदी काढलेला एका महिलेचा हात दिसत असून कलाकारांची नावंही दिसत आहेत. सिनेमाचे नाव आणि पोस्टर ते साकारताना वापरण्यात आलेली पद्धत खास आहे. (राजीव गांधी यांच्याबद्दल नरेंद्र मोदी यांनी केलेल्या वादग्रस्त विधानाचा निषेध केल्याने अभिनेता प्रियदर्शन जाधव ट्रोल)
पहा पोस्ट:
देवी सातेरी प्रॉडक्शन्सच्या प्रभाकर परब यांनी या सिनेमाची निर्मिती केली असून आकाश पेंढारकर, सचिन नारकर, विकास पवार, विशाल घाग हे सहनिर्माते आहेत. तर सिनेमाचं छायांकन विशाल गायकवाड आणि कलादिग्दर्शक सतीश चिपकर करणार आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)