Coronavirus: ‘गेम ऑफ थ्रोन्स’ अभिनेता क्रिस्तोफर हिवजू याला कोरोना व्हायरसची लागण; इन्स्टाग्रामवर पोस्ट लिहून दिली माहिती

Coronavirus: कोरोना व्हायरसची (Coronavirus) लागण झाल्याने जगभरात सुमारे 6 हजार जणांचा मृत्यू झाला आहे. तसेच अनेकांना कोरोनाची लागण झाली आहे. कोरोनाच्या जाळ्यात अनेक दिग्गज कलाकारही अडकले आहेत. ‘गेम ऑफ थ्रोन्स’ (Game of Thrones) या लोकप्रिय वेब सीरिजचा अभिनेता क्रिस्तोफर हिवजू (Kristofer Hivju) यालादेखील कोरोनाची लागण झाली आहे. क्रिस्तोफर याने आपल्या इन्स्टाग्राम अकाऊंटवरून यासंदर्भात माहिती दिली आहे.

क्रिस्तोफरने इन्स्टाग्रामवर पोस्ट लिहून आपल्याला कोरोना विषाणूची लागण झाल्याचं सांगितलंय. या पोस्टमध्ये क्रिस्तोफरने म्हटलं आहे की, ‘मी कोरोनाची चाचणी केली आहे. ही चाचणी पॉझिटिव्ह आली आहे. त्यामुळे मी माझ्या कुटुंबीयांचं घरात विलगीकरण केलं आहे. सध्या माझी प्रकृती स्थिर आहे. मला केवळ सर्दी झाली आहे. कोरोना विषाणू सर्वांसाठी घातक आहे. त्यामुळे सर्वांनी योग्य ती काळजी घ्या,' असं आवाहनही क्रिस्तोफरने केलं आहे. (हेही वाचा - Coronavirus: 'जेम्स बाँड' फेम अभिनेत्री ओल्गा कुरिलेंको हिला कोरोना व्हायरसची लागण; इन्स्टाग्रामवर दिली माहिती)

 

View this post on Instagram

 

Greetings from Norway! Sorry to say that I, today, have tested positive for COVID19, Corona virus. My familiy and I are self-isolating at home for as long as it takes. We are in good health - I only have mild symptoms of a cold. There are people at higher risk for who this virus might be a devastating diagnosis, so I urge all of you to be extremely careful; wash your hands, keep 1,5 meters distance from others, go in quarantine; just do everything you can to stop the virus from spreading. Together we can fight this virus and avert a crisis at our hospitals. Please take care of each other, keep your distance, and stay healthy! Please visit your country's Center for Disease Control's website, and follow the regulations for staying safe and protecting not just yourselves, but our entire community, and especially those at risk like the elderly and people with pre-existing conditions. @grymolvaerhivju #fightcorona #solidarity #takecare #folkehelseinstituttet Thanks to @panoramaagency

A post shared by Kristofer Hivju (@khivju) on Mar 16, 2020 at 1:48pm PDT

क्रिस्तोफर हिवजू याने ‘गेम ऑफ थ्रोन्स’मध्ये टॉर्मंड जाएंट्सबेनची भूमिका साकारली होती. मागील आठवड्यामध्ये 'जेम्स बाँड' फेम (James Bond) अभिनेत्री ओल्गा कुरिलेंको (Olga Kurylenko) हिला कोरोनाची लागण झाली आहे. कुरिलेंको यांनी आपल्या इन्स्टाग्राम अकाऊंटवरून याबद्दल माहिती दिली होती. तसेच सुप्रसिद्ध आणि ऑस्कर पुरस्कार विजेते अभिनेते टॉम हँक्स आणि त्यांची पत्नी रिटा विल्सन यांनाही कोरोनाची लागण झाल्याचं स्पष्ट झालं होतं. याशिवाय कॅनडाचे पंतप्रधान जस्टिन ट्रुडो यांची पत्नी सोफी यांनादेखील कोरोनाची लागण झाली आहे.