QuickLY
Socially
Ranbir Alia Wedding Date: बॉलिवूडमध्ये लग्नाचा मोसम पुन्हा एकदा सुरू होताना दिसत आहे. कतरिना कैफ आणि विकी कौशल यांच्या लग्नानंतर चाहते आणखी एका जोडप्याच्या लग्नाची वाट पाहत आहेत. हे जोडपे कोणी नसून रणबीर कपूर आणि आलिया भट्ट आहे. दोघांचे चाहते त्यांच्या लग्नाची आतुरतेने वाट पाहत आहेत. आता त्यांच्या चाहत्यांना लवकरच दोघांच्या लग्नाची बातमी मिळण्याची शक्यता आहे.
पिंकविलाच्या रिपोर्टनुसार, लव्हबर्ड्स पुढील महिन्यात म्हणजेच एप्रिल 2022 मध्ये लग्न करू शकतात. मात्र, अद्याप दोघांच्या कुटुंबीयांनी याला दुजोरा दिलेला नाही. रणबीर कपूरची काकू रिमा जैन यांनी मात्र दोन्ही जोडप्यांच्या लग्नाबाबत अनेक खुलासे केले आहेत. पिंकव्हिलाशी झालेल्या संभाषणात, जेव्हा रणबीरच्या काकूला अभिनेता आणि आलियाच्या लग्नाबद्दल विचारण्यात आलं. तेव्हा त्या म्हणाल्या, "मला अद्याप काहीही माहिती नाही. ते लग्न करणार आहेत. पण कधी मला माहित नाही. ते कधीही निर्णय घेऊ शकता. त्यावेळी तुम्हाला नक्की समजेल." (हेही वाचा - Oscars 2022 Winners List: सर्वोत्कृष्ट अभिनेत्यापासून सर्वोत्कृष्ट दिग्दर्शकापर्यंत ऑस्कर 2022 विजेत्यांची संपूर्ण यादी पहा येथे)
रणबीर आणि आलियाच्या लग्नाच्या अफवांवर त्यांनी खुलासा केला की, "असे काही नाही. आम्ही अजून काही तयारी केलेली नाही, मग एवढ्या लवकर लग्न कसे होईल. मात्र, जर ते खरे असेल तर माझ्यासाठी ते आश्चर्यकारक असेल."
View this post on Instagram
काही दिवसांपूर्वी नीतू कपूर प्रसिद्ध डिझायनर मनीष मल्होत्राच्या स्टोअरमध्ये दिसली होती आणि मनीषही त्यांच्या घरी स्पॉट झाला होता. आलिया भट्ट आणि रणबीर कपूरने आपल्या ब्रह्मास्त्र चित्रपटाचे शूटिंग पूर्ण केले आहे. त्याचवेळी आलियाचा मोस्ट अवेटेड चित्रपट RRR रिलीज झाला आहे. या चित्रपटातील आलियाच्या अभिनयाचे सर्वत्र कौतुक होत आहे. आलिया करण जोहरच्या रॉकी आणि रानी की प्रेमकहाणीमध्ये रणवीर सिंगसोबत दिसणार आहे.
