Sai Pallavi Controversy: काश्मिरी पंडितांवरील वादग्रस्त वक्तव्यावर साई पल्लवीने मौन तोडले, व्हिडिओ शेअर करून दिले स्पष्टीकरण
व्हिडिओमध्ये सईने आपल्या वक्तव्यावर स्पष्टीकरण देताना आपल्या विधानाचा विपर्यास करण्यात आल्याचे म्हटले आहे. तिने अत्यंत तटस्थ राहून प्रश्नाचे उत्तर दिले. मी तुम्हा सर्वांशी संवाद साधत असल्याचे प्रथमच घडत आहे, असेही सईने सांगितले.
साऊथ चित्रपटांची प्रसिद्ध अभिनेत्री साई पल्लवी (Sai Pallavi) सध्या वादाच्या भोवऱ्यात सापडली आहे. नुकतेच तिने आपल्या मुलाखतीदरम्यान काश्मिरी पंडितांबद्दल (Kashmiri Pandit) असे काही बोलले होते की लोक खूप संतापले आहेत. तिला देशभरातील लोकांच्या रोषाला सामोरे जावे लागत आहे. आताही लोकांचा संताप शांत होण्याचे नाव घेत नाही. साई पल्लवी विरोधात पोलिसात तक्रार करण्यात आली होती. आणि आता या संपूर्ण प्रकरणावर मौन भंग करत स्वतःचा बचाव केला आहे. साई पल्लवीने नुकताच इन्स्टाग्राम हँडलवर स्वतःचा एक व्हिडिओ पोस्ट केला आहे, ज्यामध्ये ती तिच्या वक्तव्यावर स्पष्टीकरण देताना दिसत आहे. व्हिडिओमध्ये साईने आपल्या वक्तव्यावर स्पष्टीकरण देताना आपल्या विधानाचा विपर्यास करण्यात आल्याचे म्हटले आहे. तिने अत्यंत तटस्थ राहून प्रश्नाचे उत्तर दिले. मी तुम्हा सर्वांशी संवाद साधत असल्याचे प्रथमच घडत आहे, असेही साईने सांगितले.
सोशल मीडियावर शेअर केला व्हिडिओ
व्हिडिओमध्ये साई म्हणते, 'मी पहिल्यांदाच तुमच्या सर्वांशी संवाद साधत आहे. मी नेहमीच उघडपणे बोलणाऱ्यांपैकी एक आहे. मला माहीत आहे की मला बोलायला उशीर झाला आहे, पण मला माफ करा. माझ्या शब्दांचा चुकीचा अर्थ लावला गेला आहे. मुलाखतीत मी फक्त हे सांगण्याचा प्रयत्न करत होतो की धर्माच्या नावावर कोणताही वाद होणे ही चुकीची गोष्ट आहे. (हे देखील वाचा: Koffee With Karan Season 7 Teaser: करण जोहरच्या 'कॉफी विथ करण' चा 7वा सीझन Disney+ Hotstar वर 7 जुलै पासून!)
View this post on Instagram
काय म्हणाली होती साई पल्लवी
एका मुलाखतीत हिंसा आणि धर्माच्या मुद्द्यावर बॉलिवूडचा प्रसिद्ध चित्रपट ‘कश्मीर फाइल्स’चा संदर्भ देताना अभिनेत्री म्हणाली होती की, ‘या चित्रपटात काश्मिरी पंडितांची त्यावेळी हत्या कशी झाली, हे दाखवण्यात आले आहे. पण, त्यापलीकडे जाऊन हिंसेला धर्माशी जोडले, तर काही दिवसांपूर्वी गायींनी भरलेला ट्रक घेऊन जाणाऱ्या एका मुस्लिम व्यक्तीलाही बेदम मारहाण करून जय श्री रामचा नारा देण्यास सांगितले. या दोन घटनांमध्ये काय फरक आहे?’ लवकरच साईचा 'विराट पर्वम' हा चित्रपट प्रेक्षकांच्या भेटीस येणार आहे.
(The above story first appeared on LatestLY on Jun 19, 2022 03:57 PM IST. For more news and updates on politics, world, sports, entertainment and lifestyle, log on to our website latestly.com).
