Rohit Shetty Injured: Indian Police Force च्या शूटिंगदरम्यान रोहित शेट्टी जखमी; दिग्दर्शकावर हॉस्पिटलमध्ये शस्त्रक्रिया

Rohit Shetty Injured: दिग्दर्शक रोहित शेट्टी (Rohit Shetty) त्याच्या आगामी 'इंडियन पोलिस फोर्स' (Indian Police Force) या वेब सीरिजच्या शूटिंगदरम्यान जखमी झाला आहे. त्याच्या हाताला दुखापत झाली आहे. रोहित शेट्टीला हैदराबादच्या कमिनेनी रुग्णालयात दाखल करण्यात आले. तेथे त्याच्यावर छोटी शस्त्रक्रिया करण्यात आली. यानंतर त्यांना रुग्णालयातून डिस्चार्ज देण्यात आला.

सूत्रांनी दिलेल्या माहितीनुसार, रामोजी राव स्टुडिओमध्ये इंडियन पोलिस फोर्स या वेब सीरिजचे शूटिंग सुरू होते. रोहित कार चेस सीक्वेन्सचे शूटिंग करत असताना त्याच्या हाताला दुखापत झाली. यानंतर प्रोडक्शन टीम घाईघाईने रोहितला घेऊन हॉस्पिटलमध्ये पोहोचली आणि त्यानंतर त्याला अॅडमिट करण्यात आलं. रुग्णालयातील डॉक्टरांनी त्याच्यावर एक छोटीशी शस्त्रक्रियाही केली आहे. 'इंडियन पुलिस फोर्स' ही रोहित शेट्टीची बहुप्रतिक्षित सीरिज आहे. (हेही वाचा - Pathaan, War आणि Tiger 3 चा भाग असणार YRF ची Spy Universe; जारी केला लोगो)

रोहित शेट्टीची इंडियन पोलिस फोर्स ही वेबसिरीज अॅमेझॉन प्राइम व्हिडिओवर रिलीज होणार आहे. यामध्ये सिद्धार्थ मल्होत्रा ​​मुख्य भूमिकेत आहे. रोहित शेट्टीच्या आधी गेल्या वर्षी मे महिन्यात सिद्धार्थ मल्होत्रा ​​गोव्यात शूटिंगदरम्यान जखमी झाला होता. त्याचवेळी ऑगस्टमध्ये वेब सीरिजच्या शूटिंगदरम्यान शिल्पा शेट्टीच्या पायाला फ्रॅक्चर झाले होते. या मालिकेत सिद्धार्थ आणि शिल्पाशिवाय विवेक ओबेरॉय देखील दिसणार आहे. ही मालिका यावर्षी प्रदर्शित होणार आहे.

काही दिवसांपूर्वी रोहित शेट्टीचा कॉमेडी-ड्रामा चित्रपट सर्कस रिलीज झाला होता. ज्याने बॉक्स ऑफिसवर धमाल केली होती. यामध्ये रणवीर सिंग, जॅकलिन फर्नांडिस आणि पूजा हेगडे यांच्या प्रमुख भूमिका आहेत. आता रोहित शेट्टीने 'सिंघम'च्या सिक्वेलसाठी अजय देवगणसोबत पुन्हा एकदा हातमिळवणी केली आहे. 'सिंघम अगेन' असे या चित्रपटाचे नाव असून, या वर्षी तो फ्लोरवर जाणार आहे. या चित्रपटाचे शेवटचे दोन भाग 'सिंघम' आणि 'सिंघम रिटर्न्स' बॉक्स ऑफिसवर सुपरहिट ठरले.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)