Money Laundering Case: Rakul Preet च्या अडचणी वाढल्या; मनी लाँड्रिंग प्रकरणात ED ने पाठवले समन्स

Money Laundering Case: बॉलीवूड अभिनेत्री रकुल प्रीत सिंग (Rakul Preet) हिला अंमली पदार्थ आणि मनी लाँड्रिंग प्रकरणी (Money Laundering Case) अंमलबजावणी संचालनालयाने समन्स बजावले आहे. मीडिया रिपोर्ट्सनुसार, अभिनेत्रीला दोन वेगवेगळ्या प्रकरणात समन्स पाठवण्यात आले आहेत. या प्रकरणासंदर्भात बोलताना अधिकाऱ्यांनी सांगितले की, रकुल प्रीतला अंमली पदार्थ आणि मनी लाँड्रिंग प्रकरणात अंमलबजावणी संचालनालयाने समन्स बजावले आहे. एजन्सीने यापूर्वी या प्रकरणी तेलुगू चित्रपट उद्योगातील इतर सदस्यांची चौकशी केली होती. यानंतर अभिनेत्रीला समन्स बजावण्यात आले आहे.

ईडीने 2021 मध्येही रकुल प्रीतची चौकशी केली होती. या प्रकरणातील कथित मनी लाँड्रिंग पैलूवर आता तिची चौकशी केली जाईल. रिपोर्टनुसार, या प्रकरणी राणा दग्गुबती, पुरी जगन्नाथ, रवी तेजा, चार्मी कौर, नवदीप आणि इतर सेलिब्रिटींनाही नोटीस बजावण्यात आली आहे. (हेही वाचा - Pathaan Controversy: हिंदू संघटनांपाठोपाठ मुस्लिम संघटनांनेही पठाण चित्रपटाला सुरु केला विरोध, म्हणाले - चित्रपट देशभरात प्रदर्शित होऊ देणार)

टॉलीवूड ड्रग्ज प्रकरण काय आहे?

ड्रग्ज रॅकेटचा 2 जुलै 2017 रोजी पर्दाफाश झाला, जेव्हा कस्टम अधिकार्‍यांनी संगीतकार केल्विन मास्कारेन्हास आणि इतर दोघांना अटक केली आणि त्यांच्या ताब्यातून 30 लाख रुपयांचे ड्रग्ज जप्त केले. त्याने कथितरित्या तपासकर्त्यांना सांगितले की तो चित्रपटातील व्यक्ती, सॉफ्टवेअर अभियंते आणि काही कॉर्पोरेट शाळांच्या विद्यार्थ्यांना ड्रग्ज पुरवत होता. त्याच्या कॉन्टॅक्ट लिस्टमध्ये टॉलिवूडमधील काही सेलिब्रिटींचे मोबाईल नंबर सापडले होते.

दरम्यान, 2021 पासून, तेलंगणाच्या दारूबंदी आणि उत्पादन शुल्क विभागाने पर्दाफाश केलेल्या एलएसडी आणि एमडीएमए सारख्या अंमली पदार्थांच्या पुरवठ्याच्या खळबळजनक रॅकेटच्या संबंधात अनेक टॉलीवुड सेलिब्रिटी ईडीसमोर हजर झाले. याप्रकरणी रकुल प्रीत, राणा दग्गुबती, तेजा, पुरी जगन्नाथ, चार्मे कौर आणि मुमैथ खान यांना चौकशीसाठी बोलावण्यात आले होते.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)