Pulwama Terror Attack: जावेद अख्तर आणि शबाना आझमी यांनीही केला पुलवामा दहशतवादी हल्ल्याचा निषेध; कराची साहित्य महोत्सवाला न जाण्याचा निर्णय
पुलवामा येथील भ्याड दहशतवादी हल्ल्यानंतर जावेद अख्तर आणि शबाना आजमी यांनी पाकिस्तानात होणाऱ्या कराची साहित्य महोत्सवाला न जाण्याचा निर्णय घेतला आहे.
Pulwama Terror Attack: पुलवामा येथील भ्याड दहशतवादी हल्ल्यानंतर जावेद अख्तर (Javed Akhtar) आणि शबाना आजमी (Shabana Azmi) यांनी पाकिस्तानात होणाऱ्या कराची साहित्य महोत्सवाला न जाण्याचा निर्णय घेतला आहे. 14 फेब्रुवारीला झालेल्या दहशतवादी हल्ल्यात सीआरपीएफचे (CRPF) 40 जवान शहीद झाले. यानंतर देशभरात संतापाची लाट उसळली आहे. त्यानंतरच ज्येष्ठ कवी, गीतकार जावेद अख्तर आणि ज्येष्ठ अभिनेत्री शबाना आझमी यांनी ट्विट करत दौरा रद्द केल्याची माहिती दिली आहे. ('आम्ही ना विसरणार, ना माफ करणार', CRPF ची शहिदांना श्रद्धांजली)
कराची साहित्य महोत्सव 23-24 फेब्रुवारीला होणारं होतं. या महोत्सवासाठी जावेद अख्तर आणि शबाना आझमी यांना आमंत्रित करण्यात आलं होतं. पण हे आमंत्रण नाकारल्याचं जावेद अख्तर यांनी ट्विट करुन सांगितलं. त्यांनी ट्विटमध्ये लिहिलं की, "कराची साहित्य महोत्सवात होणाऱ्या कैफी आझमी आणि कवितांच्या कार्यक्रमासाठी मला आणि शबाना दोघांना आमंत्रित करण्यात आलं होतं. मात्र आम्ही तिथे जाण्याचा प्लॅन रद्द केला आहे. 1965 साली इंडो-पाक युद्धा दरम्यान कैफी आजमी यांनी कविता लिहिली होती... और फिर कृष्ण ने अर्जुन से कहा." ('भारत के वीर' या अॅप किंवा वेबसाईटवरुन शहीदांच्या कुटुंबियांना अशी करा आर्थिक मदत)
Kranchi art council had invited. Shabana and me for a two day lit conference about Kaifi Azmi and his poetry . We have cancelled that . In 1965 during the indo Pak war Kaifi saheb had written a poem . “ AUR PHIR KRISHAN NE ARJUN SE KAHA “
— Javed Akhtar (@Javedakhtarjadu) February 15, 2019
तर शबाना यांनी ट्विट करत या दहशतवादी हल्ल्याचा निषेध केला आहे.
Will there be no let to these heinous attacks?These mindless killings.this utter disregard for human lives?Extremely shocking news coming from Pulwama.I strongly condemn the worst terror attack on CRPF convoy and stand united with the grieving families
— Azmi Shabana (@AzmiShabana) February 14, 2019
या दहशतवादी हल्ल्यानंतर संपूर्ण देशभरात संतापाची लाट उसळली आहे. सामान्य नागरिक, दिग्गज, खेळाडू, राज्यकर्ते, बॉलिवूड सेलिब्रेटी विविध माध्यमातून आपल्या भावना व्यक्त करत आहेत.
(The above story first appeared on LatestLY on Feb 15, 2019 04:27 PM IST. For more news and updates on politics, world, sports, entertainment and lifestyle, log on to our website latestly.com).
