Gangubai Controversy: 'गंगूबाई काठियावाडी'च्या निर्मात्यांना मुंबई उच्च न्यायालयाकडून मोठा दिलासा, चित्रपटाविरोधात दाखल केलेल्या दोन याचिका फेटाळल्या

संजय लीला भन्साळी (Sanjay Leela Bhansali) यांचा गंगूबाई काठियावाडी (Gangubai Kathiawadi) हा चित्रपट वादात  (Controversy) सापडला आहे. एकापाठोपाठ एक या चित्रपटाबाबत अनेक याचिका दाखल झाल्या असून त्यावर मुंबई उच्च न्यायालयात (Mumbai High Court) सुनावणी केली आहे. या चित्रपटाची रिलीज आता अगदी जवळ आली असताना, तो प्रदर्शित होणार का, हाही प्रश्न आहे. 'गंगूबाई काठियावाडी' या बॉलिवूड चित्रपटाविरोधात दाखल करण्यात आलेल्या दोन याचिका मुंबई उच्च न्यायालयाने बुधवारी फेटाळून लावल्या. याशिवाय न्यायालयाने चित्रपटाविरोधातील आणखी एक याचिका निकाली काढली. हा चित्रपट 25 फेब्रुवारीला प्रदर्शित होणार होता, मात्र त्याआधीच यावरून वाद सुरू झाला आहे. त्यामुळे या चित्रपटाविरोधात उच्च न्यायालयात याचिका दाखल झाल्या होत्या, मात्र चित्रपट निर्मात्यांना न्यायालयाकडून दिलासा मिळाला आहे. यासोबतच हा चित्रपट ठरलेल्या तारखेला चित्रपटगृहांमध्ये प्रदर्शित होईल, अशी अपेक्षाही वाढली आहे.

Tweet

चित्रपटावरून वाद का?

आलिया भट्टचा गंगूबाई काठियावाडी हा चित्रपट प्रदर्शित होण्याआधीच वादात सापडला आहे. निर्मात्यांनी पैशाच्या लालसेपोटी आपल्या कुटुंबाची बदनामी केल्याचा दावा गंगूबाई काठियावाडीच्या कुटुंबीयांनी केला आहे. या चित्रपटात समाजसेविका असलेल्या गंगूबाई काठियावाडी यांना सेक्स वर्करच्या भूमिकेत दाखवण्यात आल्याचे कुटुंबीयांचे म्हणणे आहे. (हे ही वाचा Jhund Trailer: Amitabh Bachchan यांची मुख्य भूमिका असलेला नागराज मंजुळेंच्या 'झुंड' सिनेमा दमदार ट्रेलर जारी)

चित्रपटाला मिळावे UA प्रमाणपत्र

संजय लीला भन्साळी दिग्दर्शित आणि आलिया भट्ट अभिनीत गंगूबाई काठियावाडीला सेंट्रल बोर्ड ऑफ फिल्म सर्टिफिकेशन (CBFC) कडून UA प्रमाणपत्र मिळाले आहे. या चित्रपटाला बोर्डाने कमीत कमी बदल करून मान्यता दिली आहे. गंगूबाई काठियावाडीची कथा मुंबईतील कामाठीपुरा येथील एका किशोरवयीन मुलीभोवती फिरते, जी तिच्या आयुष्यातील प्रतिकूलतेवर मात करून कुख्यात सेक्स वर्कर बनते. चित्रपटाची कथा प्रसिद्ध लेखक हुसैन जैदी यांच्या 'माफिया क्वीन्स ऑफ मुंबई' या कादंबरीवर आधारित आहे.