Mithi River Desilting Scam: अभिनेता Dino Morea च्या अडचणीत वाढ; कोट्यवधी रुपयांच्या मिठी नदीतील गाळ काढण्याच्या घोटाळ्यात मुंबई पोलिसांनी सुरु केली चौकशी

मुंबईतील (Mumbai) बहुचर्चित मिठी नदी घोटाळ्याचा (Mithi River Desilting Scam) तपास आता अधिकच खोलवर सुरु आहे. या घोटाळ्यात बॉलिवूड अभिनेता दिनो मोरियाचे (Dino Morea) नाव समोर आले होते. त्यानंतर तो सोमवारी सकाळी आर्थिक गुन्हे शाखेच्या कार्यालयात हजर झाला. सूत्रांनी दिलेल्या माहितीनुसार, मोरिया सकाळी 11 वाजता तपास अधिकाऱ्यांसमोर आपला जबाब नोंदवण्यासाठी पोहोचला. ईओडब्ल्यूच्या सूत्रांनुसार, तपासकर्त्यांना डिनो मोरिया, भाऊ सँटिनो मोरिया आणि मुख्य आरोपी केतन कदम यांच्यात अनेक फोन संभाषणे आढळल्यानंतर त्याला समन्स बजावण्यात आले. या संभाषणांचे स्वरूप आणि संदर्भ सध्या तपासले जात आहेत.

हा घोटाळा बृहन्मुंबई महानगरपालिकेच्या (BMC) मिठी नदी स्वच्छता प्रकल्पाशी संबंधित आहे, ज्यामध्ये बनावट बिलांचा वापर, निविदा प्रक्रियेत हेराफेरी आणि नदी स्वच्छ करण्यासाठी वापरलेल्या गाळ पुशर्स आणि ड्रेजिंग मशीनच्या खरेदी-विक्रीत कोट्यवधी रुपयांचा अपहार झाल्याचा आरोप आहे. डिनो मोरिया याचे नाव या प्रकरणात मुख्य आरोपीशी असलेल्या संपर्कांमुळे तपासात आले आहे, आणि पोलीस आता याबाबत सखोल तपास करत आहेत. मिठी नदीच्या कथित गाळ काढण्याच्या घोटाळ्यात महापालिकेला 65.54 कोटी रुपयांपेक्षा जास्त नुकसान झाल्याचे वृत्त आहे.

या प्रकरणात केतन कदम आणि जय जोशी हे मुख्य आरोपी असल्याचे सांगितले जात आहे. या दोघांवर मॅटप्रॉप कंपनीचे अधिकारी आणि बीएमसीच्या स्टॉर्म वॉटर ड्रेनेज विभागाच्या अधिकाऱ्यांशी संगनमत करून कोट्यवधी रुपयांचा घोटाळा केल्याचा आरोप आहे. अहवालानुसार, असे समोर आले आहे की डिनो मोरिया आणि त्याच्या भावाची भूमिका कदमशी केवळ मैत्रीपुरती मर्यादित नव्हती. काही कॉल रेकॉर्डिंगमध्ये घोटाळ्याची रक्कम, पेमेंट प्रक्रिया आणि मशीन भाड्याने देणे यासारख्या विषयांवरील संभाषणे दिसत आहे. (हेही वाचा: Mithun Chakraborty Gets BMC Notice: मिथुन चक्रवर्ती यांच्या अडचणी वाढल्या! मालाडमधील बेकायदेशीर बांधकामाप्रकरणी BMC कडून कारणे दाखवा नोटीस)

मात्र आतापर्यंत डिनो मोरिया या घोटाळ्यात थेट सहभागी असल्याचे कोणतेही पुरावे समोर आलेले नाहीत. या घोटाळ्यात सहभागी असलेल्या सर्व लोकांचे कॉल रेकॉर्ड, बँक व्यवहार आणि इतर आर्थिक कागदपत्रांची चौकशी ईओडब्ल्यू करत आहे. येत्या काही दिवसांत या चौकशीच्या कक्षेत आणखी नावे येतील अशी अपेक्षा आहे. दरम्यान, दिनो मोरिया याच्या जवळच्या सूत्रांचे म्हणणे आहे की अभिनेता तपासात पूर्ण सहकार्य करत आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)