Graamy Awards 2022: लता मंगेशकर आणि बप्पी लाहिरी यांना ग्रॅमी पुरस्कार मध्ये दिली गेली नाही श्रद्धांजली, भारतीय चाहत्यांनमध्ये संताप
ग्रॅमीपूर्वी, ऑस्करमध्येही लता मंगेशकर आणि दिलीप कुमार यांना श्रद्धांजली देण्यात आली नव्हती. यामुळेच ऑस्कर आणि ग्रॅमी पुरस्कारांवर भारतीय चाहते नाराज आहेत. जगातील या मोठ्या पुरस्कारांमध्येही त्यांना श्रद्धांजली द्यायला हवी होती, असे त्यांचे म्हणणे आहे.
ग्रॅमी पुरस्कार हा संगीत उद्योगासाठी मोठा पुरस्कार आहे. हा पुरस्कार जिंकण्याचे प्रत्येक गायक, संगीतकार, गीतकाराचे स्वप्न असते. मात्र यंदाच्या हंगामातील पुरस्काराने भारतीय चाहते नाराज झाले आहेत. वास्तविक, भारताच्या स्वर कोकिळा लता मगेशकर यांना ग्रॅमी अवॉर्ड्स 2022 मध्ये श्रद्धांजली देण्यात आली नव्हती. या समारंभात ब्रॉडवे संगीतकार स्टीफन सोंधेम, टायरेल हॉकिन्स आणि टॉम पार्कर सारख्या अनेक दिग्गजांना श्रद्धांजली वाहण्यात आली. पण या विभागात लता मंगेशकर आणि बप्पी लाहिरी यांचा समावेश नव्हता. यामुळे लता मंगेशकर यांचे चाहते संतापले आहेत. ग्रॅमी अवॉर्ड्समध्ये केवळ हॉलिवूड गायक आणि संगीतकारांनाच श्रद्धांजली वाहण्यात आली असून त्यात भारताच्या दोन दिग्गज गायकांचा समावेश नसल्याबद्दल चाहत्यांनी संताप व्यक्त केला आहे.
ग्रॅमीपूर्वी, ऑस्करमध्येही लता मंगेशकर आणि दिलीप कुमार यांना श्रद्धांजली देण्यात आली नव्हती. यामुळेच ऑस्कर आणि ग्रॅमी पुरस्कारांवर भारतीय चाहते नाराज आहेत. जगातील या मोठ्या पुरस्कारांमध्येही त्यांना श्रद्धांजली द्यायला हवी होती, असे त्यांचे म्हणणे आहे.
Tweet
लता मंगेशकर यांचे फेब्रुवारी महिन्यात निधन झाले. कोविड आणि न्यूमोनियामुळे तिला बराच काळ रुग्णालयात दाखल करण्यात आले होते. लता मंगेशकर यांनी वयाच्या 13 व्या वर्षी त्यांच्या करिअरला सुरुवात केली होती. त्यांच्या संपूर्ण कारकिर्दीत लता मंगेशकर यांनी हिंदी, इंग्रजी, मराठीसह 36 प्रादेशिक गाणी गायली आहेत. याशिवाय त्यांनी परदेशी भाषांमध्येही गाणी गायली आहेत. लता मंगेशकर यांना भारतरत्न, पद्मभूषण, पद्मविभूषण, दादासाहेब फाळके पुरस्कार आणि 3 राष्ट्रीय चित्रपट पुरस्कारांसह अनेक पुरस्कारांनी सन्मानित करण्यात आले आहे. (हे देखील वाचा: Grammy Awards 2022: ग्रॅमी पुरस्कार सोहळा, कुणी कोरलं पुरस्कारावर नाव? जाणून घ्या)
दुसरीकडे लता मंगेशकर यांच्या निधनानंतर काही दिवसांनी बप्पी लाहिरी आपल्या सर्वांना सोडून गेले. छातीत जंतुसंसर्ग झाल्याने बप्पी यांना रुग्णालयात दाखल करण्यात आले आणि त्यानंतर त्यांचे निधन झाले. बप्पी यांना डिस्को किंग ही पदवी देण्यात आली होती. संगीत क्षेत्रात त्यांनी अनेक रॉकिंग आणि डिस्को गाणी दिली. बप्पी यांनी डिस्को डान्सर, हिम्मतवाला, शराबी, डान्स डान्स, सत्यमेव जयते, कमांडो, आज के शहेनशाह यांसारख्या चित्रपटांमध्ये गाणी गायली असून त्यांची सर्व गाणी हिट झाली आहेत. एवढेच नाही तर 2020 मध्ये त्याने टायगर श्रॉफच्या बागी 3 या चित्रपटात भंकस हे गाणे गायले होते जे खूप गाजले होते.