Kangna Ranaut चा शो अडकला कायदेशीर अडचणीत; Lock Upp ला कोर्टाने दिली स्थगिती, जाणून घ्या संपूर्ण प्रकरण
Lock Upp Show (PC - Instagram)

कंगना रनौत (Kangna Ranaut) 'लॉकअप' (Lock Upp) या रिअॅलिटी शोमधून डिजिटल डेब्यू करणार आहे. शोच्या स्ट्रिमिंगपूर्वी याची बरीच चर्चा आहे. या शोच्या प्रीमियरपूर्वी हैदराबाद येथील न्यायालयाने त्यावर बंदी घातली आहे. आता हा शो कायदेशीर अडचणीत अडकल्याचे दिसत आहे. त्यानंतर प्रोमोमध्येही बदल करण्यात आला आहे. प्रोमोमध्ये तारखेऐवजी आता कमिंग सून लिहिले जात आहे. एकता कपूरच्या शोवर कॉपीराईटचे उल्लंघन केल्याचा आरोप आहे. हे प्रकरण कोर्टात पोहोचले आहे.

याचिकाकर्ते सनोबर बेग यांनी कॉपीराइट खटला दाखल केला होता. ही संकल्पना त्यांची असून त्याचं नाव 'द जेल' असल्याचं त्यांनी सांगितलं आहे. त्यांनी ते एंडेमोल शाइन इंडियाच्या अभिषेक रेगेसोबत शेअर केले होते. परंतु, आता त्यांनी त्यांचा विश्वासघात केला आहे. हैदराबाद सिव्हिल कोर्टाने 'लॉकअप'ला कोणत्याही प्लॅटफॉर्मवर स्ट्रीमिंग करण्यास बंदी घातली आहे. कोर्टाने 'लॉकअप'च्या ट्रेलरची व्हिडीओ क्लिप रेकॉर्डवर घेतली आहे. हा शो तात्काळ कुठेही प्रसारित केला जाणार नाही, असे न्यायालयाने नोटीस देऊन आदेश दिले आहेत. पुढील सुनावणी 9 मार्च रोजी होणार आहे. (वाचा - Russia-Ukraine War: RRR पासून ते Salman Khan च्या Tiger 3 पर्यंत 'या' प्रसिद्ध बॉलीवूड चित्रपटांचे शूटिंग झाले आहे युक्रेनमध्ये)

याचिका कर्त्याने केला हा दावा -

सनोबर बेग यांनी कॉपीराइट कायद्यांतर्गत शोची नोंदणी केली होती. फिल्म रायटर्स असोसिएशनमध्ये त्याची नोंदणी झाली होती. यावर सनोबर म्हणाले, 'मी हे सर्व पैसे किंवा प्रसिद्धीसाठी करत नाही. माझी संपूर्ण टीम - लेखक, पटकथा लेखक, दिग्दर्शक गेली आठ महिने यावर काम करत आहेत.

दरम्यान, त्यांनी नुकसान भरपाईचे श्रेय किंवा हिस्सा मागितला का, असे विचारले असता सनोबर म्हणाले, "मला ते कोर्टावर सोडायचे आहे." 2020 मध्ये, जेव्हा मी Endemol शी चर्चा केली तेव्हा त्यांनी मला आश्वासन दिले की, आम्ही या संकल्पनेवर एकत्र काम करू. हे ALTBalaji सोबत शेअर करायचे ठरवले होते आणि आता ते करत आहेत. हे माझ्या पाठीत वार केल्यासारखे आहे.

अशी होती संकल्पना -

सनोबर यांनी सांगितले की, शोमध्ये जेलर, स्पर्धक आणि एकसमान कपडे अशी संकल्पना आहे. तेथे 22 सेलिब्रिटी असतील जे सर्व कैदी असतील. एक जेलर, एक सहाय्यक जेलर, 6 रक्षक (3 पुरुष आणि 3 महिला) आणि ते सर्व 100 दिवस तुरुंगात घालवतील.

 

View this post on Instagram

 

A post shared by Kangana Ranaut (@kanganaranaut)

प्रीमियरची तारीख काढून टाकण्यात आली -

न्यायालयाच्या आदेशानंतर अद्याप निर्मात्यांकडून प्रतिसाद मिळालेला नाही. आत्तासाठी, प्रीमियरची तारीख प्रोमोमधून काढून टाकण्यात आली आहे. 'लॉकअप'साठी 5 पुष्टी झालेल्या स्पर्धकांची नावे समोर आली आहेत. यात निशा रावल, पूनम पांडे, बबिता फोगट, करणवीर बोहरा आणि मुनाव्वर फारुकी यांच्या भूमिका आहेत. शोच्या प्रसारणाची तारीख 27 फेब्रुवारी आहे. परंतु आता तो पुढे ढकलण्याची शक्यता आहे.