'Judgementall Hai Kya' Official Trailer: वेडेपणाच्या सोंगाआड मर्डर मिस्ट्री सांगणारा कंगना आणि राजकुमारचा 'Judgementall Hai Kya' चा ट्रेलर प्रदर्शित
गेल्या कित्येक दिवसांपासून चर्चेत असलेला कंगना रनौत आणि राजकुमार राव यांचा नवा चित्रपट 'जजमेंटल है क्या' (Judgementall Hai Kya) चा धमाकेदार ट्रेलर नुकताच प्रदर्शित झाला आहे.
गेल्या कित्येक दिवसांपासून चर्चेत असलेला कंगना रनौत आणि राजकुमार राव यांचा नवा चित्रपट 'जजमेंटल है क्या' (Judgementall Hai Kya) चा धमाकेदार ट्रेलर नुकताच प्रदर्शित झाला आहे. हा ट्रेलर पाहून यात मर्डर मिस्ट्री, वेडेपणाचा कळस आणि कंगना (Kangana Ranaut) आणि राजकुमार राव (Rajkumar Rao) यांची अफलातून केमिस्ट्री पाहायला मिळणार असेच दिसतेय. हा ट्रेलर पाहून या चित्रपटाची उत्सुकता आणखीनच वाढलीय.
एका ह्त्येच्या आरोपाखाली राजकुमार म्हणजेच 'केशव' आणि कंगना म्हणजेच 'बॉबी' हे दोघंही कसे गुंततात आणि नेमकं कथानक पुढे कसं जातं हे चित्रपटातूनच उलगडणार आहे.
एकता कपूरच्या 'बालाजी टेलिफिल्म लिमिटेड' अंतर्गत या चित्रपटाची निर्मिती करण्यात आली असून प्रकाश कोवेलमुडीने या चित्रपटाच्या दिग्दर्शनाची धुरा सांभाळली आहे.
नेहमीच वेगवेगळ्या धाटणीच्या भूमिका करुन प्रेक्षकांच्या पसंतीस पात्र ठरलेली कंगना या चित्रपटातही एका आव्हानात्मक भूमिकेत दिसणार आहे. तिला तोडीस तोड म्हणून राजकुमार राव ही एका वेगळ्या भूमिकेत दिसणार आहे.
या ट्रेलरने या चित्रपटाची उत्कंठा शिगेला पोहोचली असली तरीही प्रत्यक्षात यात काय पाहायला मिळेल हे येत्या 26 जुलैला कळेलच.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)