Sunny Deol on Drug Issue in Bollywood: बॉलीवूड खराब नाही, लोक खराब आहेत; ड्रग्जच्या मुद्द्यावरून सनी देओलला संताप अनावर

Sunny Deol on Drug Issue in Bollywood: बॉलिवूड अभिनेता सनी देओल (Sunny Deol) आणि अमिषा पटेल (Amisha Patel) ने 'गदर 2' (Gadar 2) चित्रपटाच्या माध्यमातून 22 वर्षांनंतर पुन्हा एकदा चाहत्यांची उत्सुकता वाढवली आहे. अनिल शर्मा दिग्दर्शित हा अॅक्शन चित्रपट तीन दिवसांनंतर 11 ऑगस्टला थिएटरमध्ये दाखल होणार आहे. 'गदर 2' ची अॅडव्हान्स बुकिंग जबरदस्त सुरु आहे. पहिल्या वीकेंडचे शो फुल होत आहेत. 2001 मध्ये 'गदर' चित्रपटात पत्नी सकीनाला पाकिस्तानातून परत आणण्यासाठी लढणारा सनी देओल यावेळी आपल्या मुलासाठी सीमा ओलांडताना दिसणार आहे.

सनी देओल आपल्या चित्रपटाचे जोरदार प्रमोशन करत असून अनेक मुद्द्यांवर तो मोकळेपणाने बोलत आहे. अलीकडेच सनी देओलनेही अलीकडच्या काळात बॉलिवूडमध्ये निर्माण झालेल्या ड्रग्जच्या मुद्द्यावर आपले मत व्यक्त केले. (हेही वाचा -'Hindustan Zindabad Tha Hai Aur Rahega': वाघा बॉर्डरवर अभिनेता सनी देओलची हजेरी, 'हिदुस्थान जिंदाबाद था, और रहेगा'चा नारा)

सनी देओलने आज तक वाहिनीला दिलेल्या मुलाखतीत बॉलीवूडमध्ये वर्षानुवर्षे सुरू असलेल्या ड्रग्जच्या मुद्द्यावर आपले मत मांडलं आहे. अभिनेत्याला प्रश्न विचारण्यात आला की, बॉलीवूडमध्ये अनेक दिवसांपासून त्यांच्या पार्ट्यांमध्ये ड्रग्ज सारख्या गोष्टींचा वापर केल्याचा आरोप होत आहे, त्यावर त्यांची प्रतिक्रिया काय आहे? सनी देओलने म्हटलं आहे की, बॉलीवूड सडलेले नाही, माणसे सडलेली आहेत. हे कोणत्या फील्डमध्ये नाही ते मला सांगा. व्यापारी असो, क्रीडापटू असो, व्यसन कुठेही असो, सगळीकडेच असते. आम्ही ग्लॅमरस आहोत म्हणून ते आमच्याकडे बोटे दाखवण्यात मजा घेतात.

याआधी सनी देओलसोबत खास बातचीत करताना, जेव्हा बॉलिवूडमध्ये घराणेशाहीच्या मुद्द्यावर प्रश्नचिन्ह उपस्थित केले गेले तेव्हा अभिनेता म्हणाला होता, कुटुंब नाही तर वडील कोणासाठी काम करतात. जर एखाद्या बापाने आपल्या मुलासाठी किंवा मुलीसाठी काम केले तर काय चूक आहे. सनी देओल आणि अमिषा पटेल स्टारर 'गदर 2' बॉक्स ऑफिसवर 'ओह माय गॉड 2' शी टक्कर देणार आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)