Angry Young Men Series: सलीम खान-जावेद अख्तरच्या जीवनावर आधारित माहितीपट सिरिज 'अँग्री यंग मॅन'ची घोषणा; सलमान खानने शेअर केला फर्स्ट लुक
अँग्री यंग मेन 20 ऑगस्टला प्राईम व्हिडिओवर प्रदर्शित होणार आहे. या अविश्वसनीय जोडीने प्रेक्षकांना 1970 च्या दशकात शोले, जंजीर, दीवार, यादों की बारात आणि डॉन सारखे अनेक उत्कृष्ट चित्रपट दिले.
Angry Young Men Series: प्राईम व्हिडिओ (Prime Video) लवकरच देशातील प्रसिद्ध लेखक जोडी सलीम खान (Salim Khan) आणि जावेद अख्तर (Javed Akhtar) यांच्यावरील माहितीपट मालिका (Biographical Documentary Series) घेऊन येत आहे. या शोचे नाव अँग्री यंग मेन (Angry Young Men) असं आहे. ही मालिका तीन भागात प्रदर्शित होणार आहे. या दस्तऐवज-मालिकामध्ये दोन्ही दिग्गज लेखकांच्या चित्रपट प्रवासाची कथा पाहता येणार आहे. आता या मालिकेची रिलीज डेटही समोर आली आहे.
अँग्री यंग मेन 20 ऑगस्टला प्राईम व्हिडिओवर प्रदर्शित होणार आहे. या अविश्वसनीय जोडीने प्रेक्षकांना 1970 च्या दशकात शोले, जंजीर, दीवार, यादों की बारात आणि डॉन सारखे अनेक उत्कृष्ट चित्रपट दिले. बॉलिवूड अभिनेता सलमान खानने या माहितीपटाचे फर्स्ट लूक पोस्टर रिलीज केले आहे. गेल्या दोन वर्षांपासून त्यावर काम सुरू होते. आता ही सिरिज 20 ऑगस्ट 2024 रोजी स्ट्रीम करण्यासाठी सज्ज आहे. या डॉक्युमेंटरीमध्ये त्यांचे जीवन, लेखन आणि त्यांचा वारसा यांचे वर्णन दाखवण्यात येणार आहे. (हेही वाचा - Ashish Shelar Viral Photo: 'तुमचं हिंदुत्व कुठे गेलं?' अभिनेता Salim Khan आणि Salman Khan यांच्यासोबत भाजप नेते आशिष शेलार यांच्या व्हायरल फोटोवर नेटिझन्सची खोचक प्रतिक्रिया)
सलीम-जावेद यांनी जवळपास 12 वर्षे सिनेमावर राज्य केले. या दोघांनी मिळून अनेक हिट चित्रपटांच्या कथा लिहिल्या. तसेच अनेक पुरस्कार जिंकले. विभक्त झाल्यानंतरही ही जोडी बराच काळ चर्चेत राहिली. अँग्री यंग मेनची निर्मिती सलमान खान फिल्म्स, एक्सेल मीडिया आणि एंटरटेनमेंट आणि टायगर बेबी यांनी केली आहे. तसेच नम्रता राव या मालिकेचे दिग्दर्शन करणार आहेत. (हेही वाचा - Salman Khan House Firing: सलमान खान याच्या घराबाहेर गोळीबार करण्याचा कट कॅनडात रचला; मुंबई पोलिसांच्या तपासात धक्कादायक माहिती उघड)
सलमान खान ट्विट -
Salim Khan, Javed Akthar in and as Angry Young Men#AngryYoungMenOnPrime, New Series, Aug 20 @PrimeVideoIN @luvsalimkhan @javedakhtarjadu @aliceinandheri #SalmaKhan @FarOutAkhtar @ritesh_sid #ZoyaAkhtar @Kagtireema #AlviraKhanAgnihotri @khanarpita @arbaazSkhan @SohailKhan… pic.twitter.com/NN6wTmR8YF
— Salman Khan (@BeingSalmanKhan) August 10, 2024
सलमान खान, रितेश सिधवानी, फरहान अख्तर, झोया अख्तर आणि रीमा कागती हे अँग्री यंग मेनचे कार्यकारी निर्माते आहेत. यासंदर्भात बोलताना झोया अख्तर यांनी सांगितलं की, अँग्री यंग मेन ही दोन व्यक्तींची कथा आहे ज्यांनी 70 च्या दशकात हिंदी सिनेमाची व्याख्या करणारी व्यक्तिरेखा निर्माण केली. अँग्री यंग मेन ही छोट्या शहरांमधून रुपेरी पडद्यावर आलेल्या सलीम-जावेदच्या जबरदस्त प्रवासाची कथा आहे.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
