Mumbai: बॉलिवूड दिग्दर्शकाने आपल्या मुलाला दारू पिण्यापासून रोखले, मुलाने 5 व्या मजल्यावरून उडी मारुन केली आत्महत्या

आंबोलीत बॉलिवूड (Bollywood) दिग्दर्शक गिरीश मलिक (Girish Malik) यांच्या मुलाचा पाचव्या मजल्यावरून उडी मारून मृत्यू झाला. दिग्दर्शकाच्या मुलाने आत्महत्या केल्याचा संशय पोलिसांनी व्यक्त केला आहे. पोलिसांनी दिलेल्या माहितीनुसार, चित्रपट निर्माते गिरीश मलिक यांच्या 18 वर्षीय मुलाने शुक्रवारी अंधेरी संकुलातील अंबोली येथील अपार्टमेंटच्या पाचव्या मजल्यावरून उडी मारली. मुंबई पोलिसांनी दिलेल्या माहितीनुसार, मन्नान असे मृताचे नाव आहे. अंधेरी (पश्चिम) येथील ओबेरॉय स्प्रिंग्स इमारतीवरून त्याने उडी मारली. त्यामुळे त्यांचा मृत्यू झाला. पोलिसांनी दिलेल्या माहितीनुसार, बॉलिवूड दिग्दर्शक गिरीश मलिक यांनी कथितपणे मुलाला दारू पिणे बंद करण्यास आणि आईसोबत चांगले वागण्यास सांगितले होते.

मिळालेल्या माहितीनुसार, मन्नानने होळीच्या दिवशी दारू प्यायली होती. घरी गेल्यानंतरही त्याने दारू पिणे सुरूच ठेवले. यादरम्यान त्याच्या वडिलांनी त्याला दारू पिणे बंद करण्यास सांगितले. बातमीनुसार, मन्नानने आईसोबत गैरवर्तन केले तेव्हा वडिलांनी त्याला आईसोबत चांगले वागण्याचा सल्ला दिला होता. त्यानंतर तो पुन्हा आपल्या खोलीत गेला.

दिग्दर्शकाच्या मुलाने पाचव्या मजल्यावरून मारली उडी 

या घटनेनंतर मन्नानने आई-वडिलांच्या अनुपस्थितीत फ्लॅटवरून खाली उडी मारली. पोलिसांनी सांगितले की, त्यांना जखमी अवस्थेत मुंबईतील कोकिलाबेन धीरूभाई अंबानी रुग्णालयात नेण्यात आले, मात्र डॉक्टरांनी त्यांना मृत घोषित केले. मन्नानच्या मृत्यूप्रकरणी आंबोली पोलिसांनी आकस्मिक मृत्यूची नोंद केली आहे. गिरीश मलिक हे बॉलिवूडचे प्रसिद्ध दिग्दर्शक आहेत. त्याने जल (2013), तोरबाज (2020) आणि मान Vs खान (2021) या चित्रपटांचे दिग्दर्शन केले आहे. त्यांच्या मुलाने दारूच्या नशेत बाल्कनीतून उडी मारून आत्महत्या केली. (हे देखील वाचा: Nora Fatehi Viral Video: पहिल्याचं ऑडिशनमध्ये कास्टिंग डायरेक्टरच्या मागणीवरून नोरा फतेहीने केलं होतं असं काहीतरी; सोशल मीडियावर व्हायरल होतोय 'हा' व्हिडिओ)

दारू पिऊ नका असा सल्ला वडिलांचा

18 वर्षीय मुलाने पाचव्या मजल्यावरून उडी मारून आत्महत्या केली. मुलाच्या मृत्यूनंतर पीडित कुटुंब पूर्णपणे तुटले आहे. मात्र, मन्नानने दारूच्या नशेत उडी मारली की वडिलांच्या टोमण्यामुळे राग आला हे अद्याप स्पष्ट झालेले नाही. पोलीस या प्रकरणाचा तपास करत आहेत. पोलिसांनी दिलेल्या माहितीनुसार, तो खूप मद्यपान करायचा आणि आईला शिवीगाळही करायचा.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)