QuickLY
Socially
बिग बॉसचे प्रत्येक पर्व कोणत्या ना कोणत्या कारणांनी नेहमीच गाजत असते. या वर्षीच्या बिग बॉसचे श्रीसंत आकर्षण ठरला तर अनुप जलोटा आणि जसलीन यांच्या नात्याने बिग बॉसला प्रसिद्धी मिळवून दिली. या कार्यक्रमाच्या 12व्या पर्वामध्ये सुरुवातीपासूनच मेलोड्रामा पाहायला मिळत आहे. अनुप जलोटांनी त्यांची शिष्या जसलीन मथारूसोबत ‘बिग बॉस 12’च्या घरात प्रवेश घेतला होता. हा प्रवेश घेताना आम्ही दोघेही तीन वर्षांपासून रिलेशनशिपमध्ये आहोत, हे नॅशनल टीव्हीवर सांगून अनुप व जसलीन यांनी खळबळ उडवून दिली होती. मात्र आता अनेक वादविवादांनंतर अनुप जलोटा बिग बॉसच्या घरातून बाहेर पडले. घरातून बाहेर पडताच त्यांनी एक खळबळजनक खुलासा केला आहे.
‘लोकांना आमचे मते कधीच कळले नाही. जसलीन मथारू माझी गर्लफ्रेन्ड नाही. तर ती माझी शिष्या आहे आणि मी तिचा गुरू आहे. आमचे नाते हे फक्त संगीतापुरतेच मर्यादित आहे. आमच्यामध्ये गर्लफ्रेन्ड-बॉयफ्रेन्डचे कुठलेही नाते नाही. ना आम्ही आजपर्यंत कुठल्या रोमॅन्टिक नात्यात होतो, ना आमच्यात शारीरीक संबंध होते. जसलीन माझ्या घरच्यांना अजून भेटलीदेखील नाही ’, असे अनुप यांनी सांगितले आहे. बिग बॉस शो स्क्रिप्टेड असल्याने आम्ही गुरु शिष्या ऐवजी प्रियकर-प्रेयेसी म्हणून आलो तर बिग बॉसला जास्त प्रसिद्धी मिळेल म्हणून हे सर्व आधीच प्लॅन केल होते.
जसलीनसोबतचे माझे नाते बिग बॉसने प्लॅन केले होते. शोच्या काही दिवस आधी आम्हाला ही गोष्ट सांगण्यात आली, अणि त्यानुसारच आम्ही बिग बॉसमध्ये वागत आलो. जसलीनच्या वडिलांनी आपल्या मुलीसोबत पार्टनर म्हणून या कार्यक्रमात जाण्याची मला विनंती केली. दोन-तिनदा त्यांनी मला विनंती केली अखेर मी तयार झालो. पण, त्यावेळी मी आणि जसलीन गुरु-शिष्य म्हणून कार्यक्रमात जाणार असल्याचं ठरलं होतं', असे अनूप जलोटा म्हणाले.
अनूप जलोटा यांच्या या खुलाश्यानंतर बिग बॉसबाबत अनेक प्रश्न निर्माण होत आहेत. लोक कुतूहलाने हा शो पाहतात मात्र या शो मधील गोष्टी या आधीच ठरलेल्या असतात. आधीच घरातील सदस्यांना कोणी कसे वागावे हे सांगितले जाते हे बिग बॉसचे सत्य अजून जलोटा यांच्या खुलाश्यामुळे समोर आले आहे.
