BS6 Ford Endeavour (संग्रहित संपादित प्रतिमा)

अमेरिकन ऑटोमेकर फोर्डने (Ford) भारतीय बाजारपेठेत, आपल्या वाहन लाइन-अपला अपडेट केले आहे. आता कंपनीने आपली प्रसिद्ध लक्झरी एसयूव्ही फोर्ड एंडेव्हर (SUV Ford Endeavour) नवीन बीएस 6 इंजिनसह (BS6) बाजारात आणली आहे. कंपनीने या एसयूव्हीची प्रारंभिक किंमत 29.55 लाख रुपये निश्चित केली आहे. त्याचबरोबर त्याच्या टॉप व्हेरिएंटची किंमत 33.25 लाख रुपये निश्चित करण्यात आली आहे.

हा दर केवळ 30 एप्रिलपर्यंतच वैध असेल, त्यानंतर त्याची किंमत वाढू शकेल. ही गाडी Diamond White, Absolute Black आणि Diffused Silver अशा तीन रंगांच्या पर्यायांमध्ये उपलब्ध आहे.

नवीन बीएस 6 फोर्ड एंडेव्हरमध्ये देण्यात आलेले, 2.0-लीटर इकोब्ल्यू इंजिन बर्‍याच प्रकारे खूप खास आहे. या एसयूव्हीमध्ये आणखी एक विशेष बदल करण्यात आला आहे. यात कंपनीने 10-स्पीड स्वयंचलित ट्रांसमिशन गीअरबॉक्स (10 Gear) वापरला आहे. 10 गीअर्स असणारी देशातील ही पहिली कार आहे. कंपनीचा असा दावा आहे की, त्याचे 4X2 व्हेरिएंट 13.9 किमी/एल आणि 4 × 4 व्हेरिएंट 12.4 किमी/एल पर्यंत मायलेज देईल. (हेही वाचा: 1 एप्रिल पासून भारतीय ऑटो इंडस्ट्रीमध्ये होणार मोठा बदल; बंद होणार बीएस-4 वाहने)

नवीन फोर्ड एंडेव्हरमधील सर्वात मोठा बदल कंपनीने त्याच्या इंजिनमध्ये केला आहे. ही एसयूव्ही आता बीएस 6 मानक इंजिनसह सुसज्ज आहे. यात 2.0 लिटर क्षमतेचे टर्बो डिझेल इंजिन वापरले आहे, जे 170hp ची शक्ती आणि 420Nm टॉर्क जनरेट करते. मात्र, पूर्वीच्या मॉडेलच्या तुलनेत त्याची उर्जा लक्षणीय प्रमाणात कमी झाली आहे. यापूर्वी या एसयूव्हीमध्ये 3.2 लिटर क्षमतेचे ड्युराटॉक इंजिन वापरले गेले होते, जो 200 एचपी पॉवर आणि 470Nm टॉर्क जनरेट करत होता.

बीएस 6 फोर्ड एंडेव्हरची लांबी 4903 मिमी, रुंदी 1869 मिमी, उंची 1837 मिमी, व्हीलबेस 2850 मिमी, फ्रंट ट्रॅक 1560 मिमी, मागील ट्रॅक 1564 मिमी आणि आणि 80 लिटरची इंधन टाकी देण्यात आली आहे.