H-1B Visa संख्या मर्यादित; अनेकांच्या अमेरिका वारीच्या स्वप्नांना धक्का

अमेरिका आर्थिक वर्ष 2020 च्या नव्या धोरणामुळे जगभरातील अनेक नागरिक आणि प्रवाशांना धक्का बसला आहे. अमेरिकेने 2020 या आर्थिक वर्षात एच-1बी (H-1B Visa) व्हिसा संख्या आता मर्यादित केली आहे. अमेरिका सरकारच्या नव्या धोरणानुसार H-1B Visa संख्या आता केवळ 65,000 इतकी मर्यादित करण्यात आली आहे.

काय आहे H-1B Visa, कोणासाठी महत्त्वाचा?

जगभरातील विविध देशांमधून अनेक नागरिक अमेरिकेमध्ये शिक्षण, व्यवसाय, नोकरी आणि इतर कारणांसाठी येतात. अशा नागरिकांसाठी अमेरिकेतील वास्तव्यासाठी H-1B Visa अत्यंत महत्त्वाचा असतो. H-1B Visa हा गैर-प्रवासी व्हिसा आहे जो, अमेरिकेतील कंपन्यांना विदेशातील कर्मचारी, कामगार खास करुन तांत्रज्ञान अभ्यासक, विश्लेषक आदी लोकांना अमेरिकेत नोकरी देण्यास मान्यता देतो. (हेही वाचा, अमेरिका-मेक्सिको सीमेवर महाकाय भिंत, डोनाल्ड ट्रम्प यांचा महत्वाकांक्षी प्रकल्प; पेंटॅगॉनकडून तब्बल 1 अब्ज डॉलर मंजूर)

यूएससीआयएसकडून धोरण स्पष्ट

तंत्रज्ञान विषयक काम करणाऱ्या अमेरिकेतील कंपन्या भारत, चीन आदी देशांमधून कर्मचारी वर्ग बोलावण्यासाठी H-1B Visa वर अवलंबून असतात. H-1B Visa अर्जांना मान्यता देण्याशी संबंधीत संस्था यूएससीआयएस (US Citizenship and Immigration Services) ने शुक्रवारी सांगितले की, 'यंदा आर्थिक वर्ष 2020 साठी अमेरिकी काँग्रेसकडून H-1B Visa संख्या कमी करण्यात आली असून, ती केवळ 65000 इतकीच ठेवण्यात आली आहे.'

अमेरिकेचे आर्थिक वर्ष 1 ऑक्टोबर 2019 पासून सुरु होईल. USCIS ला एक एप्रिल पासून Visa घेण्यासाठी अर्ज येण्यास सुरुवात जाली. मात्र H-1B Visa देणाऱ्या या संस्थेने हे मात्र स्पष्ट केले नाही की, पहिल्या पाच दिवसांमध्ये किती अर्ज प्राप्त झाले.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)