Nawaz Sharif News: नवाझ शरीफ यांचे पुनरागमन हा पाकिस्तानच्या राजकारणातील एक महत्त्वाचा क्षण

Pakistan Politics News: पाकिस्तानचे माजी पंतप्रधान नवाझ शरीफ (Nawaz Sharif News) चार वर्षांच्या स्वैर निर्वासनानंतर आपल्या मायदेशी परतणार आहेत. पाकिस्तानमध्ये होऊ घातलेल्या सार्वत्रिक निवडणुका सन 2024 च्या पुढे ढकलण्यात आहेत. अशा आवस्थेत आर्थिक आणि राजकीय संकटांशी झुंजणाऱ्या या राष्ट्रामध्ये त्यांच्या परतीचे महत्त्वपूर्ण राजकीय परिणाम होतील, असे जाणाकारांसह राष्ट्रीय, आंतरराष्ट्रीय प्रसारमाध्यमांना वाटते. दरम्यान, घराणेशाहीला वैतागलेल्या आणि कंटाळलेल्या जनतेमध्ये इम्रान खान (Imran Khan) यांच्या नेतृत्वाने आणि पक्षाने निर्माण केलेला विश्वास आणि त्यांना असलेला पाठींबा शरीफ यांच्यासमोरील मोठे आव्हान असणार आहे.

नवाझ शरीफ यांचे घरवापसी: आशेचा किरण

नवाझ शरीफ यांचे प्राथमिक प्रतिस्पर्धी इम्रान खान यांचा तुरुंगावास वाढल्यानंतर त्यांच्यासमोर उभे ठाकलेल्या आव्हानातच नावझ शरीफ यांचे पुनरागमन होत आहे. त्यांच्या पाकिस्तान मुस्लिम लीग-नवाझ (पीएमएल-एन) पक्षाला त्यांच्याकडून प्रचंड आपेक्षा आहेत. दुबईतील मुक्कामानंतर त्यांचे इस्लामाबादमध्ये आगमन झाल्यानंतर लाहोरमध्ये त्यांचे समर्थक त्यांच्या स्वागताची तयारी करत आहेत. शरीफ यांच्या पुनरागमनामुळे पीएमएल-एनच्या लोकप्रियतेला चालना मिळेल, त्यांचा राजकीय करिष्मा आणि जनसामान्यांशी असलेला संबंध वाढेल असे त्यांच्या हितचिंतकांना वाटते.

अडथळे आणि आशा: कायदेशीर बाबी

शरीफ यांना भ्रष्टाचाराची शिक्षा आणि अपूर्ण तुरुंगवास यासह कायदेशीर अडचणींशिवाय त्यांचा खडतर मार्ग सोपा होणे शक्य नाही. अलीकडील घडामोडीत, इस्लामाबाद हायकोर्टाने अटकेचा तत्काळ धोका कमी करून त्याला मंगळवारपर्यंत संरक्षणात्मक जामीन मंजूर केला आहे. मात्र, पुढे घढणाऱ्या घडामोडी मोठ्या रंजक असू शकतात.

शरीफ यांचा गुंतागुंतीचा प्रवास 2017 मध्ये सुरू झाला जेव्हा त्यांना भ्रष्टाचाराच्या आरोपामुळे पंतप्रधानपदावरून व्हावे लागले. त्यांना सक्रीय राजकारणातूनही बाहेर पडावे लागले. यूकेमध्ये वैद्यकीय उपचार घेण्याची परवानगी मिळण्यापूर्वी त्यांनी सुरुवातीला त्यांच्या सात वर्षांच्या तुरुंगवासाच्या शिक्षेचा एक छोटासा भाग भोगला. इम्रान खान यांच्या सरकारच्या काळात त्यांच्या परत येण्यासाठी न्यायालयाच्या आदेशांची दखल घेतली गेली नाही. मात्र आता ते परतल्याने त्यांना उर्वरीत तुरुंगवास भोगावा लागू शकतो. दरम्यान, त्यांचे भाऊ शेहबाज शरीफ यांच्या सत्तेत वाढ आणि त्यानंतरच्या कायदेमंडळातील बदलांमुळे त्यांचे राजकीय नशीब बदलू लागले. ज्यामुळे खासदारांची निवडणूक लढवण्यापासून अपात्रता पाच वर्षांपर्यंत कमी झाली.

पाकिस्तानच्या राजकीय इतिहासातील एक महत्त्वाचा क्षण

विश्लेषक जाहिद हुसेन इंडिया टुडेशी बोलताना म्हणाले की, लष्करी आस्थापना आणि त्यांचा पक्ष यांच्यातील सामंजस्यामुळे शरीफ यांचे परतणे सुलभ झाले आहे. ज्याचा उद्देश कायदेशीर अडथळे कमी करणे आहे. हे पाकिस्तानच्या राजकीय परिदृश्याला आकार देण्यासाठी लष्कराची प्रभावी भूमिका दर्शवते.

एक्स पोस्ट

दरम्यान, नवाझ शरीफ हे पाकिस्तानी राजकारणातील चढ-उतारांसाठी अनोळखी नाहीत. ते लष्कराच्या प्रभावाशी जवळून गुंतलेले आहेत. ते परत आल्यावर, घराणेशाहीच्या राजकारणाने कंटाळलेल्या मतदारांवर आणि इम्रान खान यांच्या नेतृत्वा आणि पक्षाच्या प्रभावाने आधीच प्रभावित झालेल्या तंत्रज्ञ, तरुण लोकसंख्येवर विजय मिळवण्याचे आव्हान त्याच्यासमोर आहे.

राजकीय विश्लेषक आयेशा सिद्दीका यांनी टिप्पणी केली, आधीपासूनच लोकप्रिय असलेल्या इम्रान खानच्या जागी स्वतःला आणि त्यांच्या पक्षाला व्यवहार्य पर्याय म्हणून प्रस्थापित करणे हे शरीफ यांच्यासमोर महत्त्वाचे आव्हान आहे. अर्थव्यवस्था बदलणे तिला चालाना देण्याचीही महत्त्वपूर्ण काम त्यांच्यासमोर असणार आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)