India-Bound Oil Tanker Hit By Missiles In Red Sea: भारतात येणाऱ्या जहाजावर लाल समुद्रात हुथी बंडखोरांचा क्षेपणास्त्र हल्ला; जहाजाचे नुकसान
एम्ब्रे यांनी सांगितले की, ज्या जहाजावर हल्ला झाला ते पनामा ध्वज असलेले जहाज आहे, पण ते जहाज एका ब्रिटीश कंपनीच्या मालकीचे आहे. मात्र, हे जहाज नुकतेच विकण्यात आले असून आता हे जहाज सेशेल्स कंपनीच्या मालकीचे असल्याचे बोलले जात आहे. ज्या जहाजावर हल्ला झाला ते तेलाचे टँकर असून ते रशियातील प्रिमोर्स्क येथून भारतातील वाडीनारकडे येत होते.
India-Bound Oil Tanker Hit By Missiles In Red Sea: येमेन (Yemen) च्या हुथी बंडखोरांनी शनिवारी भारतात येणाऱ्या जहाजावर क्षेपणास्त्राने हल्ला (Missile Attack) केला. हा हल्ला लाल समुद्रात (Red Sea) करण्यात आला. खुद्द हुथी बंडखोरांनी एक निवेदन जारी करून ही माहिती दिली आहे. हौथी बंडखोर गेल्या अनेक महिन्यांपासून लाल समुद्र आणि एडनच्या आखातातून जाणाऱ्या जहाजांवर हल्ले करत आहेत. हल्ल्यामुळे जहाजाचे नुकसान झाल्याचे ब्रिटनच्या सागरी सुरक्षा फर्म एम्ब्रेने म्हटले आहे.
एम्ब्रे यांनी सांगितले की, ज्या जहाजावर हल्ला झाला ते पनामा ध्वज असलेले जहाज आहे, पण ते जहाज एका ब्रिटीश कंपनीच्या मालकीचे आहे. मात्र, हे जहाज नुकतेच विकण्यात आले असून आता हे जहाज सेशेल्स कंपनीच्या मालकीचे असल्याचे बोलले जात आहे. ज्या जहाजावर हल्ला झाला ते तेलाचे टँकर असून ते रशियातील प्रिमोर्स्क येथून भारतातील वाडीनारकडे येत होते. (हेही वाचा -Ship Hijack Danger Video: लाल समुद्रात इस्रायली जहाजाचे रविवारी अपहरण झाल्याचे दाखवणारा व्हिडिओ जारी)
इस्रायल-हमास युद्धापासून इराण समर्थित हुथी बंडखोर लाल समुद्र आणि एडनच्या आखातातून जाणाऱ्या जहाजांना लक्ष्य करत आहेत. यापूर्वी हौथी बंडखोरांचे लक्ष्य फक्त इस्रायलची जहाजे होती, मात्र गेल्या अनेक दिवसांपासून इतर देशांच्या जहाजांनाही लक्ष्य केले जात आहे. यामुळे अनेक शिपिंग कंपन्या आपली जहाजे दक्षिण आफ्रिकेत लांबच्या मार्गाने पाठवत आहेत. त्यामुळे माल वाहतुकीचा खर्च वाढला असून जागतिक स्तरावर महागाईही वाढली आहे. (हेही वाचा - MV Saibaba Suffers Drone Attack In Red Sea: गेल्या 24 तासांत भारतीय जहाजावर दुसरा ड्रोन हल्ला; लाल समुद्रात MV Saibaba जहाजाला करण्यात आलं लक्ष्य)
दरम्यान, अलीकडेच यूएस आणि ब्रिटीश सैन्याने आंतरराष्ट्रीय शिपिंग मार्गांवरून जाणाऱ्या जहाजांना लक्ष्य करण्यासाठी येमेनमधील हुथी बंडखोरांच्या स्थानांवर हवाई हल्ले केले होते. मात्र, असे असूनही हुथी बंडखोरांचे हल्ले थांबत नाहीत. भारताने अरबी समुद्र आणि एडनच्या आखातातही आपले नौदल तैनात केले असून युद्धनौकांसह पाळतही वाढवली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)