Meteorite Hits Woman: फ्रान्समध्ये घडली दुर्मिळ खगोलशास्त्रीय घटना; टेरेसवर कॉफी घेत असताना महिलेवर आदळली 'उल्का', जाणून घ्या सविस्तर
या खडकात लोह आणि सिलिकॉनचे मिश्रण असल्याचे दिसून आले आणि ते उल्कापिंड असू शकते, असे रेबमन यांनी स्थानिक पेपरला सांगितले. मिळालेल्या उल्कापिंडाचे सर्व तुकडे 100 ग्रॅमपेक्षा जास्त वजनाचे असल्याचे अहवालात म्हटले आहे.
एका अत्यंत दुर्मिळ खगोलीय (Astronomical Event) घटनेत, एक फ्रेंच महिलेवर उल्कापात (Meteorite) आदळल्याची धक्कादायक घटना घडली आहे. ही महिला तिच्या मैत्रिणीसोबत गच्चीवर कॉफी घेत असताना अचानक आकाशातून एक उल्कापात येऊन तिच्यावर आदळला. माध्यमांनी याबाबत वृत्त दिले आहे. एका फ्रेंच वृत्तपत्राच्या मते यामुळे महिलेच्या बरगडीला दुखापत झाली.
महिलेने सांगितले की, जेव्हा आकाशातून एक दगड येऊन तिच्यावर पडला तेव्हा तो तिला वाटले की हा सिमेंटचा तुकडा आहे. त्यानंतर जेव्हा तिने एका स्थानिक रूफरकडून खडक तपासला तेव्हा त्याने उल्का असल्याचे सुचवले. यानंतर, भूगर्भशास्त्रज्ञ डॉ थेरी रेबमन यांनी त्या खडकाचे परीक्षण केले, ज्यांनी तो दगड एक उल्का असल्याची पुष्टी केली.
या खडकात लोह आणि सिलिकॉनचे मिश्रण असल्याचे दिसून आले आणि ते उल्कापिंड असू शकते, असे रेबमन यांनी स्थानिक पेपरला सांगितले. मिळालेल्या उल्कापिंडाचे सर्व तुकडे 100 ग्रॅमपेक्षा जास्त वजनाचे असल्याचे अहवालात म्हटले आहे. भूगर्भशास्त्रज्ञ पुढे म्हणाले की, अशा वस्तू लोकांवर येऊन पडण्याची घटना अत्यंत दुर्मिळ आहे. उल्का हे ‘अंतरिक्ष खडक’ आहेत, जे पृथ्वीच्या वातावरणातून त्यांच्या प्रवासात टिकून राहतात आणि जमिनीवर आदळतात.
अशा वस्तू जेव्हा अंतराळात असतात तेव्हा त्यांना उल्कापिंड म्हणून ओळखले जाते. त्या अगदी धूलिकणांपासून ते लहान लघुग्रहांपर्यंत आकारमानाच्या असतात. नासाच्या म्हणण्यानुसार, दररोज सुमारे 50 टन उल्का सामग्री पृथ्वीवर पडण्याचा अंदाज आहे. मात्र, ‘इथल्या समशीतोष्ण वातावरणात अशा वस्तू दिसणे फारच दुर्मिळ आहे,’ असे रेबमन यांनी उद्धृत केले. (हेही वाचा: Chandrayaan 3: सारं सुरळीत पार पडल्यास कधी होणार चंद्रावर सॉफ्ट लॅन्डिंग? ISRO Chief S Somanath यांनी सांगितली तारीख, वेळ!)
बहुतेक उल्का ताशी हजारो मैलांच्या वेगाने पृथ्वीच्या वातावरणातून जात असताना त्या पूर्णपणे विघटित होतात. उल्कापिंडाने एखाद्या व्यक्तीवर थेट प्रहार केल्याची पहिली पुष्टी झालेली घटना 1954 मध्ये यूएस मध्ये घडली होती, जिथे एका महिलेला 3.6 किलो वजनाच्या खडकाळ उल्काने धडक दिली होती ही वस्तू तिच्या छतावरून कोसळली होती आणि ज्यामुळे तिला गंभीर जखम झाली होती.
(The above story first appeared on LatestLY on Jul 16, 2023 10:38 PM IST. For more news and updates on politics, world, sports, entertainment and lifestyle, log on to our website latestly.com).
