Israel-Hamas War: दक्षिण गाझामधील रफाह शहरात इस्रायलचा हल्ला; 9 मुलांसह 13 जणांचा मृत्यू
आदल्या रात्री रफाह येथे झालेल्या हवाई हल्ल्यात सहा मुलांसह नऊ जण ठार झाले होते. इस्रायल-हमास युद्धात 34,000 हून अधिक पॅलेस्टिनी मारले गेले आहेत.
Israel-Hamas War: दक्षिणी गाझा (Gaza) शहर रफाहवर रात्रभर इस्रायली (Israeli) हल्ल्यात नऊ मुलांसह 13 जणांचा मृत्यू झाला. इस्त्रायलने रफाहवर जवळजवळ दररोज हवाई हल्ले सुरू केले आहेत. हाऊस ऑफ रिप्रेझेंटेटिव्हने शनिवारी US 26 $ अब्ज मदत पॅकेज मंजूर केले, ज्यात गाझासाठी 9 अब्ज डॉलर्सच्या मानवतावादी मदतीचा समावेश आहे. कुवेतमधील रुग्णालयाने दिलेल्या माहितीनुसार, पहिल्या हल्ल्यात एक व्यक्ती, त्याची पत्नी आणि त्यांच्या 3 वर्षांच्या मुलाचा मृत्यू झाला. ही महिला गर्भवती असल्याचे रुग्णालयाने सांगितले. डॉक्टरांनी मुलाला वाचवले.
रुग्णालयातील नोंदीनुसार, दुसऱ्या हल्ल्यात एकाच कुटुंबातील आठ मुले आणि दोन महिलांचा मृत्यू झाला. आदल्या रात्री रफाह येथे झालेल्या हवाई हल्ल्यात सहा मुलांसह नऊ जण ठार झाले होते. इस्रायल-हमास युद्धात 34,000 हून अधिक पॅलेस्टिनी मारले गेले आहेत, गाझाची दोन मोठी शहरे उद्ध्वस्त झाली आहेत. (हेही वाचा -Israel Iran Tension: इराणच्या हल्ल्यानंतर इस्रायलने शैक्षणिक संस्था केल्या बंद)
स्थानिक आरोग्य अधिकाऱ्यांनी दिलेल्या माहितीनुसार संपूर्ण प्रदेशात नासधूस झाली आहे. सुमारे 80 टक्के लोकांनी किनारपट्टीच्या इतर भागांमध्ये आपली घरे सोडून पळ काढला आहे. सात महिन्यांपासून चाललेल्या संघर्षामुळे प्रादेशिक अशांतता निर्माण झाली आहे.
इस्रायल आणि इराणमध्ये या महिन्याच्या सुरुवातीला थेट गोळीबार आणि ड्रोन हल्ले झाले. ज्यामुळे दीर्घकालीन शत्रूंमध्ये युद्धाची भीती निर्माण झाली. इस्रायलच्या ताब्यातील वेस्ट बँकमध्येही तणाव वाढला आहे. पॅलेस्टिनी आरोग्य मंत्रालयाच्या माहितीनुसार, गाझामधील युद्ध सुरू झाल्यापासून वेस्ट बँकमध्ये किमान 469 पॅलेस्टिनी ठार झाले आहेत.