Israeli Airstrike in Beirut: इस्रायली हवाई हल्ल्यात हिजबुल्लाचा प्रवक्ता Mohammad Afif ठार

इस्त्रायली लष्कराने बैरुत (Beirut Attack) येथील सीरियन बाथ पार्टीच्या मुख्यालयाला लक्ष्य करुन केलेल्या हवाई हल्यात (Israeli Airstrike) हिजबुल्लाचा माध्यम संबंधांचा वरिष्ठ अधिकारी आणि प्रवक्ता मोहम्मद अफीफ (Mohammad Afif) ठार झाला आहे. हिज्बुल्लाहने मृत्यूची पुष्टी केली असून, त्याबाबत 'टाइम्स ऑफ इस्रायल'ने वृत्त दिले आहे. हिजबुल्लाच्या अल-मनार टेलिव्हिजन स्टेशनचे व्यवस्थापन करणारा अफीफ हा सशस्त्र गटाच्या वतीने माहिती प्रसारित करण्यात एक प्रमुख व्यक्ती होता. इस्रायलबरोबर सुरू असलेल्या संघर्षातील घडामोडींवर भाष्य करण्यासाठी त्यांनी वारंवार पत्रकार परिषदा आयोजित केल्या होत्या. इस्त्रायली पंतप्रधान नेत्यानाहू यांच्यावरही त्याने अनेकदा तीव्र शब्दांमध्ये हल्ला चढवला होता.

अल जझीराने दिलेल्या वृत्तानुसार, अलीकडील निवेदनात, मोहम्मद अफीफने दावा केला होता की, हिजबुल्ला इस्रायलविरुद्धच्या "दीर्घ युद्धासाठी" सज्ज आहे. त्यासाठी आम्ही मोठ्या प्रमाणावर शस्त्रसाठा खरेदी केल्याचेही त्याने म्हटले होते. (हेही वाचा, Benjamin Netanyahu: इस्रायली पंतप्रधान नेतन्याहू यांच्या घरावर बॉम्ब हल्ला; दारात आगीचे लोट (Watch Video))

इस्रायलने हिजबुल्लाच्या नेतृत्वाला लक्ष्य केले

इस्रायलने आफिफच्या हत्येची अधिकृत कबुली दिली नसली तरी, त्याची हत्या हिजबुल्लाचे नेतृत्व कमकुवत करण्यासाठी सुरू असलेल्या मोहिमेतील आणखी एक हल्ला आहे, असे मानले जात आहे. यापूर्वी, हिजबुल्लाचा नेता हसन नस्रल्लाहच्या हत्येबद्दल बातम्या समोर आल्या होत्या आणि हाशेम सफीद्दीनला गटाचा नवीन प्रमुख म्हणून नेमण्यात आले होते. (Israel Airstrikes On Hezbollah: लेबनॉनवर गेल्या 24 तासांत इस्रायलने केलेल्या हवाई हल्ल्यात 7 ठार, 65 जखमी)

नेतान्याहू यांच्या निवासस्थानी स्फोट

दरम्यान, एका वेगळ्या घटनेमध्ये इस्रायलचे पंतप्रधान बेंजामिन नेतान्याहू (Netanyahu Home Attack) यांच्या सिजेरिया येथील खासगी निवासस्थानी शनिवारी रात्री जाळपोळ करण्यात आली. आगीच्या ज्वाळा अंगणात भडकल्या असल्या तरी, नेत्यानाहू कुटुंब सुरक्षीत आहे. घटना घडली त्या वेळी नेतान्याहू किंवा त्यांचे कुटुंबीय उपस्थित नव्हते. ऑक्टोबरमध्ये नेतान्याहूच्या निवासस्थानी हिजबुल्लाच्या ड्रोनने हल्ला केल्यानंतर काही आठवड्यांनी झालेल्या हल्ल्याच्या संदर्भात तीन संशयितांना अटक करण्यात आली. इस्रायली माध्यमांच्या वृत्तानुसार, ड्रोनमुळे किरकोळ नुकसान झाले आणि प्रबलित काचेपासून बनवलेल्या शयनगृहाच्या खिडकीला तडे गेले.

दरम्यान, या घडामोडी इस्रायल आणि हिजबुल्ला यांच्यातील तीव्र संघर्षादरम्यान वाढलेला तणाव अधोरेखित करतात. परिस्थिती अस्थिर आहे, दोन्ही बाजूंनी त्यांच्या कारवाया वाढवल्या आहेत. जगभरातील देश आणि नागरिकांचे या दोन्ही देशांमध्ये सुरु असलेल्या संघर्षाकडे लक्ष्य लागले आहे. या संघर्षामुळे आजुबाजूच्या देशांवरही अकारण ताण येत असल्याचे अभ्यासकांचे म्हणने आहे. इस्त्रायल आणि पॅलेस्टीन यांच्यातील संघर्ष नवा नाही. त्यातच हिजबूल ही संघटना आपल्या हक्कांचे रक्षण करत असल्याचे दावा करत इस्त्रायलला वेळोवेळी आव्हान देत आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)