Bridge Collapses in China: चीनमध्ये पावसामुळे हाहाकार! पूल कोसळल्याने 11 जणांचा मृत्यू; 30 बेपत्ता

Bridge Collapses in China: चीन (China) मध्ये मुसळधार पावसानंतर (Heavy Rain) आलेल्या पुरामुळे जनजीवन विस्कळीत झाले आहे. वायव्य शांक्सी प्रांतात शुक्रवारी महामार्गावरील पूल कोसळला (Bridge Collapse in China). या अपघातात 11 जणांचा मृत्यू झाला असून 30 जण बेपत्ता असल्याची माहिती चीनच्या माध्यमांनी शनिवारी दिली. या ठिकाणी बचावकार्याचे सर्व प्रकारचे प्रयत्न सुरू आहेत. चीनचे राष्ट्राध्यक्ष शी जिनपिंग यांनी शांक्सी प्रांतातील आपत्तीनंतर मोठ्या प्रमाणावर बचाव प्रयत्नांचे आवाहन केले. शिन्हुआ वृत्तसंस्थेने दिलेल्या माहितीनुसार, शांगलुओ शहरात अजूनही बचावकार्य सुरू असून 20 कार आणि 30 लोक अद्याप बेपत्ता आहेत. पुलावरून घसरलेली पाच वाहने जप्त करण्यात आली आहेत. पुरामुळे पुलाचा काही भाग तुटून जवळपास खाली वाहणाऱ्या पाण्यात पडला.

शांगलुओ शहरातील झाशुई काउंटीमध्ये असलेला हा पूल शुक्रवारी संध्याकाळी अचानक झालेल्या मुसळधार पावसामुळे कोसळला, असे सरकारी वृत्तसंस्था शिन्हुआने प्रांतीय प्रचार विभागाच्या हवाल्याने म्हटले आहे. शनिवारी सकाळपर्यंत अकरा जणांचा मृत्यू झाल्याची पुष्टी झाली, तर कोसळल्यानंतर 30 हून अधिक जण बेपत्ता झाले, असे अहवालात म्हटले आहे. (हेही वाचा - Cargo Ship Fire: गोव्यात समुद्राच्या मध्यभागी मालवाहू जहाजाला भीषण आग; 12 तासांपासून 3 अग्निशमन ICG जहाजे तैनात (Watch Video))

हा पूल कोसळल्यामुळे काही वाहने पुलाच्या खाली जिनकियान नदीत बुडाली. या अपघातात नेमक्या किती वाहनांचा समावेश होता, हे अद्याप समजू शकलेलं नाही. बचाव पथकांनी नदीत पडलेल्या पाच वाहनांना बाहेर काढले. सध्या या ठिकाणी बचाव कार्य सुरू आहे. (हेही वाचा - Weather Forecast India: महाराष्ट्र, गुजरात राज्यात मुसळधार पाऊस, हवामान अंदाज वर्तवताना IMD कडून Red Alert जारी)

पहा व्हिडिओ - 

आपत्कालीन व्यवस्थापन मंत्रालयाच्या म्हणण्यानुसार, बचाव प्रयत्नांना मार्गदर्शन करण्यासाठी एक पथक रवाना करण्यात आले आहे. चायना नॅशनल कॉम्प्रिहेन्सिव्ह फायर अँड रेस्क्यू टीमने 736 लोक, 76 वाहने, 18 बोटी आणि 32 ड्रोन बचाव कार्यासाठी पाठवले आहेत. चीनचे अध्यक्ष शी जिनपिंग यांनी पुल कोसळल्यानंतर लोकांचे जीवन आणि मालमत्तेचे रक्षण करण्यासाठी सर्वतोपरी बचाव आणि मदत प्रयत्नांचे आवाहन केले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)