Credit Suisse Data Leak: स्विस बँकेच्या 18 हजारांहून अधिक खात्यांचे डेटा लीक, काही दिग्गजांच्या नावांचा समावेश

Credit Suisse Data Leak: संपूर्ण जगात स्विस बँकेच्या क्लाइंट्सची लिस्ट नेहमीच चर्चेत असत. तर स्विजरलँन्ड बँकिंग सिस्टम ही सर्वाधिक श्रेष्ठ असल्याचे ही मानले जाते. अशातच सध्या या बँकेच्या खातेधारकांची अशी एक लिस्ट समोर आली आहे ज्याची जगभरात चर्चा सुरु झाली आहे. दरम्यान, क्रेडिट सुइस (Credit Suisse) जगातील सर्वाधिक महत्वपूर्ण आर्थिक संस्थांपैकी एक आहे. येथे जवळजवळ 50 हजार कर्मचारी काम करतात. तर बँकेच्या ग्राहकांची संख्या 15 लाखापर्यंत आहे. परंतु आता या बँकेच्या तब्बल 18 हजार ग्राहकांचा डेटा लीक झाल्याची खळबळजनक माहिती समोर आली आहे.

जर्मनीचे एक वृत्तपत्र 'Süddeutsche Zeitung' आणि Organized Crime and Corruption Reporting Project (OCCRP) च्या संयुक्त तपास रिपोर्टमधअये या बँक संदर्भात काही मोठी माहिती समोर आली आहे.(Red Heart Emoji पाठवल्यास होऊ शकतो तुरुंगवास आणि लाखोंचा दंड, जाणून घ्या 'या' देशातील कडक कायदा)

Tweet:

BREAKING: Leaked bank records show how Credit Suisse helped dictators, corrupt politicians, spies, and criminals hide their illicit fortunes.

This is #SuisseSecrets, one of the world’s largest investigations into the world of Swiss banking 🇨🇭 https://t.co/ijEPe5aNN2

— Organized Crime and Corruption Reporting Project (@OCCRP) February 20, 2022

खरंतर एका व्यक्तीने 1940 ते 2010 च्या काळापर्यंत अकाउंट्संदर्भात जर्मनीच्या Süddeutsche Zeitung यांना कथित रुपात लीक केली होती. या पब्लिकेशनने OCCRP आणि न्यूयर्क टाइम्ससह 46 अन्य न्यूज ही माहिती संस्थेसोबत शेअर केली. या तपशीलामध्ये परदेशी ग्राहकांच्या 18,000 बँक खात्यांशी संबंधित माहिती आहे. हे स्विस बँकिंग प्रणालीशी संबंधित सर्व खेळ दर्शविते.

ओसीसीआरपीच्या अहवालानुसार, या प्रसारमाध्यमांच्या 160 अहवालांमध्ये सर्व डेटाची छाननी करण्यात आली ज्यातून अनेक धक्कादायक माहिती समोर आली. या अहवालानुसार, या तपासादरम्यान डझनभर भ्रष्ट नेते, गुन्हेगार, हेर, हुकूमशहांची बँक खाती असल्याचे उघड झाले. इतर संशयास्पद लोक. एवढेच नाही तर या अहवालात असे सांगण्यात आले आहे की, ही बँक खाती अशा लोकांच्या नावावर नाहीत ज्यांना कोणी ओळखत नाही, तर गुगल सर्च केल्यास त्यांचे सर्व कारनामे उघड झाले असते. यामध्ये या 18,000 खात्यांमध्ये 8 बिलियन डॉलर्सची रक्कम जमा करण्यात आली होती आणि ही खाती बर्याच काळापासून कार्यरत होती.

या वृत्तानंतर डझनभर मीडिया हाऊसने ते एकाच वेळी प्रसिद्ध केले. यानंतर क्रेडिट सुइसनेही एक निवेदन जारी करून म्हटले आहे की, बँक कोणत्याही प्रकारच्या चुकीच्या आरोपांना 'पूर्णपणे नाकारते'. गेल्या तीन आठवड्यांत, बँकेला या प्रकाशन गृहांच्या संघाकडून डझनभर चौकशी करण्यात आली आणि बँकेने अशा अनेक खात्यांचा आढावा घेतला ज्यावर प्रश्न उपस्थित केले गेले आहेत. खरेतर, प्रसारमाध्यमांमध्ये प्रकाशित झालेल्या लेखांमध्ये असे म्हटले आहे की बँकेच्या ग्राहकांमध्ये मानवी हक्कांचे उल्लंघन करणारे आणि निर्बंधांचा सामना करणारे व्यापारी यांचा समावेश आहे.

(The above story first appeared on LatestLY on Feb 21, 2022 08:37 PM IST. For more news and updates on politics, world, sports, entertainment and lifestyle, log on to our website latestly.com).