China Visa: चीनमध्ये काम करणाऱ्या भारतीयांसाठी खुशखबर; ड्रॅगनने दोन वर्षानंतर उठवली व्हिसा बंदी
विविध अहवालांनुसार, डिसेंबर 2019 मध्ये चीनमध्ये कोरोना विषाणूचा प्रादुर्भाव सुरू झाल्यानंतर भारतात परतलेले 23,000 हून अधिक भारतीय विद्यार्थी मायदेशातच अडकले होते. यापैकी बहुतांश चिनी महाविद्यालयातील वैद्यकीय विद्यार्थ्यांचा समावेश आहे
चीनने (China) दोन वर्षांनंतर भारतीय नागरिकांवरील व्हिसा (Visa) बंदी उठवली आहे. आता चीनच्या विविध शहरांमध्ये काम करणारे भारतीय नागरिक चीनमध्ये परत येऊ शकतील. चीनने नोव्हेंबर 2020 मध्ये भारतीयांसाठी व्हिसा अर्जांवर बंदी घातली होती. याशिवाय भारतातून ये-जा करणाऱ्या विमानांवरही प्रभावीपणे बंदी घालण्यात आली होती. ही बंदी आता उठवण्यात आली आहे. सोमवारी भारतातील चिनी दूतावासाने ही माहिती दिली. राजधानी दिल्लीतील चीनच्या दूतावासाने त्यांचे कोविड-19 व्हिसा धोरण अपडेट केले आणि त्यांच्या वेबसाइटवर ही माहिती दिली.
वेबसाइटवर जारी करण्यात आलेल्या नोटिसमध्ये म्हटले आहे की, चीनला भेट देणारे परदेशी नागरिक आणि त्यांच्या कुटुंबातील सदस्य सर्व क्षेत्रातील काम आणि उत्पादन पुन्हा सुरू करण्यासाठी व्हिसासाठी अर्ज करू शकतात. मात्र, चीनमध्ये शिकणाऱ्या विद्यार्थ्यांना व्हिसासाठी अर्ज करता येईल की नाही, याबाबत अद्याप कोणतीही सूचना देण्यात आलेली नाही. पर्यटन आणि इतर वैयक्तिक कारणांसाठी व्हिसा अर्ज तात्पुरते स्थगित करण्यात आल्याचे नोटीसमध्ये स्पष्ट करण्यात आले आहे.
सूत्रांनी दिलेल्या माहितीनुसार, चीन त्यांच्या विद्यापीठांमध्ये शिकणाऱ्या हजारो भारतीय विद्यार्थ्यांच्या विनंत्याही स्वीकारत आहे. या विद्यार्थ्यांनी पुन्हा चिनी महाविद्यालये आणि विद्यापीठांमध्ये शिक्षण घेण्याची इच्छा व्यक्त केली आहे. चीनने विद्यार्थ्यांना व्हिसा न दिल्याबद्दल भारत सरकारनेही कठोर भूमिका घेतली होती. एप्रिलमध्ये सरकारने चिनी नागरिकांचे टुरिस्ट व्हिसा निलंबित केले होते. (हेही वाचा: चीनमध्ये 300 किमी प्रतितास वेगाने धावणारी बुलेट ट्रेन रुळावरून घसरली; चालकाचा मृत्यू; अनेक जखमी)
विविध अहवालांनुसार, डिसेंबर 2019 मध्ये चीनमध्ये कोरोना विषाणूचा प्रादुर्भाव सुरू झाल्यानंतर भारतात परतलेले 23,000 हून अधिक भारतीय विद्यार्थी मायदेशातच अडकले होते. यापैकी बहुतांश चिनी महाविद्यालयातील वैद्यकीय विद्यार्थ्यांचा समावेश आहे. कोरोना संसर्गाचा प्रसार रोखण्यासाठी बीजिंगने लादलेल्या व्हिसा निर्बंधांमुळे तो चीनला परत जाऊ शकला नाही. दरम्यान, चीनच्या व्हिसा धोरणातील हा बदल 2020 मध्ये मायदेशी परतलेल्या शेकडो भारतीय व्यावसायिकांना आणि त्यांच्या कुटुंबियांना मोठा दिलासा देणारा आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)