Africa Mpox Cases: आफ्रिकेत झपाट्याने पसरत आहे मंकीपॉक्स, किमान16 देश एमपीओएक्सने प्रभावित

Africa Mpox Cases: आफ्रिका सेंटर्स फॉर डिसीज कंट्रोल अँड प्रिव्हेन्शन (आफ्रिका सीडीसी) ने संपूर्ण खंडात MPox चा प्रसार रोखण्यासाठी त्वरित कारवाई करण्याचे आवाहन केले आहे. आफ्रिका सीडीसीचे महासंचालक जीन कसाया यांनी गुरुवारी आफ्रिकेतील मल्टी-कंट्री एमपॉक्स उद्रेकावर पत्रकारांना संबोधित केले. आफ्रिकेतील पाचही प्रदेशातील किमान १६ देश एमपीओएक्सने प्रभावित झाले आहेत. सिन्हुआ वृत्तसंस्थेनुसार, महासंचालक जीन कासेया यांनी सांगितले की, जानेवारी 2022 पासून आफ्रिकेत सुमारे 38,465 प्रकरणे आणि 1,456 मृत्यू झाले आहेत, ज्यात गेल्या आठवड्यात 887 प्रकरणे आणि पाच जणांच्या मृत्यूंचा समावेश आहे. आफ्रिका CDC डेटा दर्शवितो की, गेल्या 10 दिवसांत सहा नवीन आफ्रिकन देशांना MPox ने प्रभावित केले आहे, तर इतर 18 आफ्रिकन देशांना रोगाचा प्रादुर्भाव वाढण्याचा सर्वाधिक धोका आहे. हे देखील वाचा: Japan मध्ये पहिल्यांदाच 'Megaquake' चा अंदाज जारी; जाणून घ्या त्याचा अर्थ काय? 

आफ्रिकेतील mpox चा झपाट्याने होणारा प्रसार रोखण्यासाठी तातडीची कारवाई करण्याचे आवाहन करून, आफ्रिका सीडीसी प्रमुख म्हणाले की, जागतिक आरोग्य संघटनेने जुलै 2022 ते मे 2023 या कालावधीत mpox ला सार्वजनिक आरोग्य आणीबाणी घोषित केले होते. 2023 मधील याच कालावधीच्या तुलनेत यावर्षी नोंदवलेल्या नवीन mpox च्या  संख्येत 160 टक्क्यांनी वाढ झाल्याचे लक्षात घेऊन, कासेया यांनी आफ्रिकेतील mpox च्या सध्याचा प्रसार रोखण्यासाठी प्रभावी पावले उचलण्याच्या गरजेवर भर दिला. mpox हा रोग ज्या प्रकारे पसरतो त्याबद्दल त्यांनी चिंता व्यक्त केली आणि सांगितले की, हा रोग बहुतेक लैंगिक संक्रमणाशी संबंधित आहे. ते पुढे म्हणतात, “आम्ही आफ्रिका सीडीसीमध्ये आज जे काही करत आहोत ते म्हणजे अशा प्रकरणांची संख्या समजून घेणे म्हणजे एमपॉक्सची प्रकरणे इतकी का वाढत आहेत?

या वाढीचे पहिले कारण म्हणजे विषाणूचे सतत होणारे उत्परिवर्तन हे आहे.” ते पुढे म्हणाले, “आम्हाला माहित आहे की, सुरुवातीला फक्त प्राणी आणि मानव यांच्याशी संपर्क होता. परंतु आज हे बहुतेक लैंगिक संक्रमणाद्वारे होते." कासेया यांनी MPOX च्या प्रसारामागील मुख्य समस्या म्हणून प्रभावित देशांमध्ये MPOX प्रकरणांचे उशीरा शोध आणि व्यवस्थापनाचा अभाव असे कारण सांगितले आहे. याशिवाय या आजाराच्या प्रसाराबाबत सामाजिक आणि राजकीय संकट तसेच हवामान बदलाकडेही त्यांनी लक्ष वेधले. Mpox, ज्याला मंकीपॉक्स असेही म्हणतात.

1958 मध्ये प्रयोगशाळेत माकडांमध्ये प्रथम आढळून आले होते, असे मानले जाते की, ते जंगली उंदरांपासून लोकांमध्ये किंवा माकडांकडून मानवांमध्ये पसरले आहे. हा एक दुर्मिळ विषाणूजन्य रोग आहे जो सामान्यतः शरीरातील द्रव, घाम आणि इतर दूषित पदार्थांद्वारे पसरतो. लक्षणांबद्दल बोलताना, संक्रमित व्यक्तीला सामान्यतः ताप, शरीरावर लहान पुरळ आणि लिम्फ नोड्समध्ये सूज येते.