Hajj 2024: हज यात्रेदरम्यान उष्णतेमुळे 550 यात्रेकरुंचा मक्का येथे मृत्यू; इजिप्शियन आणि जॉर्डन नागरिकांचाही मृतांमध्ये समावेश
विश्वास आणि सहनशक्तीचा आधारस्तंभ असलेल्या हज यात्रेत निसर्गाची क्रूरता दिसून आली. अति उष्णतेमुळे मक्का येथे 550 यात्रेकरूंचा मृत्यू झाला. मृतांमध्ये 60 जॉर्डन नागरिकांचाही समावेश आहे. राजधानी अम्मान येथे शासनाच्या प्रवक्त्यांनी ही माहिती दिली.
Hajj 2024: श्रद्धा आणि सहनशक्तीचा आधारस्तंभ असलेल्या हज यात्रेत मक्का(Mecca) येथे तब्बल 550 यात्रेकरूंचा मृत्यू झाला आहे. यंदाच्यावर्षी इजिप्शियन(Egyptians) आणि जॉर्डन (Jordanian)यात्रेकरूंनी हजमध्ये मोठ्या संख्येने उपस्थिती होती. त्या देशातील नागरिकांचाही यात्रेत मोठ्या संख्येने बळी गेला.
एनडीटीव्हीच्या अहवालानुसार, 550 मृत्यूंपैकी 323 इजिप्शियन आणि 60 जॉर्डनचे नागरिक होते. प्रामुख्याने तीर्थयात्रेदरम्यान उष्णतेशी संबंधित परिस्थितीमुळेच मृत्यू झाले. मक्का येथील मशिदीत 51.8 अंश सेल्सिअस तापमान वाढल्याने यात्रेकरूंना कठीण परिस्थितींना सामोरे जावे लागले. मक्काच्या अल-मुईसेम शेजारच्या शवगृहातून संकलित केलेली आकडेवारी, सौदी अधिकाऱ्यांनी हज दरम्यान आरोग्य सेवेच्या कमतरतेवर प्रकाश टाकते. (हेही वाचा:Sania Mirza leaves for Hajj 2024: सानिया मिर्झा हज यात्रेला रवाना, मी एक चांगली व्यक्ती बनून आणि दृढ विश्वास घेऊन परत येईल- Sania Mirza )
दरम्यान, यात्रेकरूंना उष्णतेपासून आराम मिळावा यासाठी स्वयंसेवकांकडून पाणी आणि आइस्क्रीमचे वाटप करण्यात आले होते. मक्काच्या सर्वात मोठ्या सुविधांपैकी एक असलेल्या अल-मुईसेममधील शवगृहात सर्वाधिक 550 मृत्यूंची नोंद झाली. अहवालात असे सूचित होते की मृतांमध्ये अनेक देशांतील यात्रेकरूंचा समावेश होता. अद्याप मृतांच्या राष्ट्रीयत्वावरील तपशील उघड केले गेले नाहीत.
(The above story first appeared on LatestLY on Jun 19, 2024 03:15 PM IST. For more news and updates on politics, world, sports, entertainment and lifestyle, log on to our website latestly.com).
