Indian Fishermen Hit In Sri Lankan Navy Firing: श्रीलंकेच्या नौदलाच्या गोळीबारात 5 भारतीय मच्छिमार जखमी; भारताने व्यक्त केला तीव्र निषेध
कराईकल (पुद्दुचेरी) आणि तामिळनाडू येथील 13 मच्छिमारांपैकी दोघांना गंभीर दुखापत झाली आहे. दोघांनाही जाफना शिक्षण रुग्णालयात दाखल करण्यात आले आहे. इतर तीन मच्छिमारांना किरकोळ दुखापत झाली असून त्यांच्यावर उपचार सुरू आहेत.
Indian Fishermen Hit In Sri Lankan Navy Firing: भारत आणि श्रीलंकेमध्ये (Sri Lanka) पुन्हा एकदा तणावाची परिस्थिती निर्माण होऊ शकते. मंगळवारी डेल्फ्ट बेटाजवळ श्रीलंकेच्या नौदलाने केलेल्या गोळीबारात पाच भारतीय मच्छिमार (Indian Fishermen) जखमी झाले. ही घटना घडली तेव्हा मच्छीमार बोटीत मासेमारी करत होते. भारताने नवी दिल्लीतील श्रीलंकेच्या कार्यवाहक उच्चायुक्तांकडे (Sri Lankan Acting High Commissioner) यासंदर्भात तीव्र निषेध नोंदवला. कोलंबोमधील आमच्या उच्चायुक्तालयानेही श्रीलंका सरकारच्या परराष्ट्र मंत्रालयासमोर हा मुद्दा उपस्थित केला आहे, असे भारताच्या परराष्ट्र मंत्रालयाने म्हटले आहे.
मच्छिमारांपैकी दोघांना गंभीर दुखापत -
पीटीआयने दिलेल्या वृत्तानुसार, कराईकल (पुद्दुचेरी) आणि तामिळनाडू येथील 13 मच्छिमारांपैकी दोघांना गंभीर दुखापत झाली आहे. दोघांनाही जाफना शिक्षण रुग्णालयात दाखल करण्यात आले आहे. इतर तीन मच्छिमारांना किरकोळ दुखापत झाली असून त्यांच्यावर उपचार सुरू आहेत. उर्वरित मच्छिमारांना ताब्यात घेण्यात आले आहे. जाफना येथील भारतीय वाणिज्य दूतावासाच्या अधिकाऱ्यांनी मच्छिमारांची रुग्णालयात जाऊन भेट घेतली. तसेच मच्छिमार आणि त्यांच्या कुटुंबियांना सर्वतोपरी मदत करण्याचे आश्वासन दिले. (हेही वाचा -Indian fisherman Dies in Pakistan: कराचीमध्ये तुरुंगात भारतीय मच्छिमाराचा मृत्यू; शिक्षा पूर्ण झाली तरीही केले होते बंदी)
श्रीलंकेच्या नौदलाने डेफ्ट बेटाभोवती आंतरराष्ट्रीय सागरी सीमा ओलांडून भारतीय मासेमार श्रीलंकेच्या प्रादेशिक पाण्यात मासेमारी करत असल्याचा आरोप केला आहे. श्रीलंकेच्या नौदलाने मच्छिमारांनी वापरलेले एक यांत्रिक जहाज देखील जप्त केले आहे. दरम्यान, पुडुचेरीचे मुख्यमंत्री एन रंगास्वामी यांनी परराष्ट्र मंत्री एस जयशंकर यांना पत्र लिहून अटक केलेल्या सर्व मच्छिमारांच्या सुटकेसाठी श्रीलंका सरकारसोबत प्राधान्याने योग्य पावले उचलण्याची विनंती केली आहे.
परराष्ट्र मंत्रालयाच्या निवेदनात म्हटले आहे की, भारत सरकारने नेहमीच मच्छिमारांशी संबंधित समस्या मानवीय आणि मानवतावादी पद्धतीने सोडवण्याची गरज व्यक्त केली आहे, ज्यामध्ये उपजीविकेच्या समस्या लक्षात घेतल्या आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)