Surya Grahan 2025: यंदाच्या वर्षातील पहिलं सूर्यग्रहण कधी? भारतामधून दिसणार का? घ्या जाणून

2025 मध्ये पहिलं सूर्यग्रहण (Surya Grahan) 29 मार्च दिवशी होणार आहे. सूर्यग्रहणामध्ये अवकाशामध्ये चंद्र हा सूर्य व पृथ्वीच्या मध्ये येतो तेव्हा पृथ्वीवर चंद्राची सावली पडते. मार्च महिन्यातील सूर्यग्रहण (सूर्यग्रहण) आंशिक असेल, म्हणजे चंद्र सूर्याचा फक्त एक भाग व्यापेल, त्याला चमकणारा “C” आकार दिसेल. भारतीय प्रमाणवेळेनुसार (IST), ग्रहण दुपारी 2:20 वाजता सुरू होईल आणि संध्याकाळी 6:13 वाजता संपणार आहे.

भारतामध्ये सूर्यग्रहण दिसणार का?

29 मार्च 2025, चे आंशिक सूर्यग्रहण यूएसए, कॅनडा, पोर्तुगाल, स्पेन, यूके, फ्रान्स, जर्मनी आणि रशियासह युरोप, उत्तर अमेरिका, उत्तर आशिया आणि आफ्रिकेतील काही भागांमध्ये दृश्यमान होईल. पण हे सूर्यग्रहण भारतात दिसणार नाही, ज्यामुळे जागतिक निरीक्षणासाठी ही खास खगोलीय घटना आहे.

ग्रहण ही खगोलीय घटना असली तरीही हिंदू धर्मामध्ये ग्रहणाशी निगडीत अनेक समज गैरसमज आहेत. ग्रहणाशी निगडीत अनेक रीती रिवाज पाळले जातात.

ग्रहण पाहताना कोणती काळजी घ्याल?

उघड्या डोळ्यांनी ग्रहण थेट पाहणे हानिकारक असू शकते आणि डोळ्यांना कायमचे नुकसान किंवा अंधत्व देखील होऊ शकते. ग्रहण सुरक्षितपणे पाहण्यासाठी, विशेष सौर फिल्टर किंवा ग्रहण चष्मा वापरा.

सूर्य ग्रहण इथे पहा लाईव्ह 

सूर्यग्रहणांमुळे शास्त्रज्ञांना सूर्य आणि त्याच्या बाह्य वातावरणाचा अभ्यास करण्याची अनोखी संधी मिळते.  हे ग्रहण भारतात दिसणार नसले तरी जगभरातील खगोलशास्त्रप्रेमींसाठी ही एक रोमांचक घटना आहे. भारतात ग्रहण दिसणार नसल्याने त्याच्याशी निगडीत वेध पाळण्याची गरज नाही.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)