Apple WWDC 2022: ऍपल कंपनीची वार्षिक कॉन्फरन्स; अनेक नवीन फीचर्ससह सादर करण्यात आला iOS 16, आयफोन वापरकर्त्यांना मिळणार नवे अपडेट्स

अमेरिकन टेक दिग्गज आणि आयफोन निर्माता Apple कंपनीची वार्षिक वर्ल्ड वाइड डेव्हलपर कॉन्फरन्स 2022 (WWDC 2022) सुरू झाली आहे. कंपनीचे सीईओ टिम कुक यांनी कार्यक्रमाची सुरुवात केली. कॅलिफोर्नियातील क्युपर्टिनो येथील अॅपलच्या मुख्यालयात ते बोलत आहेत. इव्हेंटमध्ये आतापर्यंत iOS 16, watchOS 9 ची घोषणा करण्यात आली आहे. Apple ने त्याला सपोर्ट करणाऱ्या iPhone मॉडेल्ससाठी आपल्या ऑपरेटिंग सिस्टमची नवीनतम आवृत्ती म्हणजेच iOS 16 सादर केली आहे. याशिवाय ऍपलने M2 चिपसेट, ऍपल कारप्ले, ऍपल होम ऍप तसेच ऍपल फिटनेस ऍपमध्ये अनेक अपडेट्स  दिले आहेत.

तुम्ही ही वर्ल्ड वाइड डेव्हलपर कॉन्फरन्स Apple.com, Apple चे डेव्हलपर अॅप, Apple TV अॅप आणि कंपनीच्या YouTube चॅनेलवर पाहू शकता.

iOS 16 मध्ये देण्यात आलेले एक महत्वाचे अपडेट आहे लॉक स्क्रीन. लॉक स्क्रीनवर वापरकर्ते त्यांच्या अनुसार तारीख, वेळ आणि फॉन्ट निवडण्यास सक्षम असतील. या व्यतिरिक्त, आपण रंग निवडण्यास सक्षम असाल. तसेच स्थान बदलू शकता. याचा अर्थ वापरकर्ते त्यांना आवश्यक असलेल्या गोष्टी लॉक स्क्रीनवर जोडू शकतात. फेस टाईम कॉलिंगचे फीचर iOS 16 मध्ये अपडेट केले गेले आहे, ज्याद्वारे  व्हिडिओ कॉलिंगचा उत्तम अनुभव प्राप्त होईल.

iOS 16 मध्ये स्मार्ट होम कनेक्टेड फीचर matter देण्यात आले आहे. यात कनेक्टिव्हिटीसह उत्तम प्रायव्हसी मिळेल. या प्रकरणात, वैयक्तिक डेटा सुरक्षित ठेवण्याचे काम केले जाईल. याच्या मदतीने तुम्ही फोनवरून घरातील लाईट, पंखा, एसी स्पीकर, टीव्ही नियंत्रित करू शकाल. तसेच, आपण फोनवरून घरात स्थापित सुरक्षा कॅमेरा नियंत्रित करू शकता.

Apple Wallet मध्ये अनेक नवीन सुरक्षा फीचर्स देण्यात आले आहेत. यामध्ये कॅब राइडिंगचे तपशील जोडले जाऊ शकतात. अॅपल पेच्या मदतीने कॉन्टॅक्टलेस पेमेंट करता येईल. यासाठी क्रेडिट किंवा डेबिट कार्डची गरज भासणार नाही. याशिवाय Apple Pay Later सुरू करण्यात आले आहे. यामध्ये ठराविक वेळेनंतर पेमेंट करता येईल. यासाठी कंपनी कोणतेही व्याज आकारणार नाही. (हेही वाचा: व्हॉट्सअॅप लवकरचं आणणार Edit Messages चा पर्याय; Typo Error चे देखील होणार निराकरण)

तुमचा प्रवास अधिक मनोरंजक बनवण्यासाठी, Apple Maps वर अधिक 3D तपशीलांसह नवीन फीचर्स मिळत आहेत. तुम्ही अॅपवर 16 थांबे सेट करू शकाल. नवीन लुकअराउंड फिचर वापरकर्त्यांना इमर्सिव्ह अनुभव देण्यासाठी Apple मॅप्सवर उच्च रिझोल्यूशन फोटो पाहण्याची परवानगी देईल.

यावेळी ऍपल वॉच अनेक नवीन फीचर्सनी सुसज्ज असेल. वॉच OS 9 मध्ये, तुम्हाला रनिंगचे अचूक तपशील मिळतील, यासाठी मशीन लर्निंगचा वापर करण्यात आला आहे. ऍपल वॉच चालू असताना हृदयाची अचूक गती समजेल. आयफोन वापरकर्त्यांसाठी एक इनबिल्ट फिटनेस अॅप दिले जाईल. स्लीप स्टेजची माहिती Watch OS 9 मध्ये उपलब्ध असेल. यामध्ये, मशीन लर्निंगच्या मदतीने, तुम्हाला झोपण्याच्या स्थितीची माहिती मिळेल. लब्ध असेल.

Apple ने पुष्टी केली आहे की M2 प्रोसेसरसह नवीन MacBook Air येत आहे. नवीन मॅक बुक एअरची घोषणा करण्यात आली आहे, जो सर्वोत्तम M2 चिपसेट असेल. यात लिक्विड रेटिना डिस्प्ले सपोर्ट देण्यात आला आहे. यात 13.6 इंचाचा डिस्प्ले आहे. डिस्प्ले पूर्वीपेक्षा 25 टक्के अधिक ब्राईट आहे. यात 1 अब्ज रंग आहेत तसेच यात 1080 पिक्सल कॅमेरा आहे. मॅकबुक एअर सिल्व्हर, गोल्ड, स्पेस ग्रे मिडनाईट रंगांमध्ये उपलब्ध असेल. MacBook Air M1 ची किंमत $999 आहे. तर MacBook Air M2 ची किंमत $1199 ठेवण्यात आली आहे. तर MacBook Pro M2 ची किंमत $1299 आहे.  यावेळी icloud shared photo library नावाचे नवीन फीचर आणले गेले आहे. ही एक नवीन प्रकारची icloud लायब्ररी आहे, जी 6 लोकांपर्यंत शेअर केली जाऊ शकते.