Year-Ender 2021: ‘या’ महान खेळाडूंनी 2021 मध्ये घेतला जगाचा निरोप, भारतीय दिग्गजांसह जगातील सर्वात वयस्कर माजी कसोटी क्रिकेटरचाही समावेश

Year-Ender 2021: यंदाचे वर्ष सर्व आनंदी आठवणींसाठी क्रीडा चाहत्यांच्या लक्षात राहील. ऑस्ट्रेलिया दौऱ्यावर सलग दुसरी कसोटी मालिका जिंकण्यापासून टोकियो ऑलम्पिक आणि पॅरालिम्पिक खेळात भारतीय खेळाडूंनी पुन्हा एकदा आंतरराष्ट्रीय स्तरावर तिरंगा फडकावला. 2020 टोकियो ऑलिम्पिकमध्ये नीरज चोप्रा ऍथलेटिक्स खेळात सुवर्णपदक जिंकणारा पहिला भारतीय तर स्टार शटलर पीव्ही सिंधू दोन ऑलम्पिक पदक जिंकणारी पहिली भारतीय बनली. तसेच क्रिकेटच्या मैदानावरही खेळाडूंनी वेगळी उंची गाठली. पण 2021 मध्ये आपण क्रीडाविश्वातील काही तेजस्वी स्टारही गमावले हे प्रामाणिक वास्तव आहे. (Year-Ender 2021: यावर्षी ‘या’ दिग्गज क्रिकेटपटूंनी आंतरराष्ट्रीय क्रिकेटला केला टाटा-बायबाय)

मिल्खा सिंह आणि निर्मल कौर (Milkha Singh and Nirmal Kaur)

‘द फ्लाइंग सिख’ या नावाने प्रसिद्ध असलेले भारतीय स्प्रिंट दिग्गज मिल्खा सिंह यांचे कोविड-19 शी महिनाभर चाललेल्या लढाईनंतर 18 जून रोजी वयाच्या 91 व्या वर्षी निधन झाले. तसेच राष्ट्रीय व्हॉलीबॉलच्या माजी कर्णधार आणि मिल्खा सिंह यांची पत्नी निर्मल कौर यांचेही पाच दिवसांपूर्वी निधन झाले. पंजाब सरकारमध्ये महिला क्रीडा विभागाच्या माजी संचालक असलेल्या निर्मल यांचे वयाच्या 85 व्या वर्षी जगाचा निरोप घेतला.

सय्यद शाहिद हकीम (Syed Shahid Hakim)

ऑगस्टमध्ये माजी भारतीय फुटबॉलपटू आणि ऑलिम्पियन सय्यद शाहिद हकीम यांचे वयाच्या 82 व्या वर्षी गुलबर्गा, कर्नाटक येथे निधन झाले. 1960 रोम ऑलिम्पिकमध्ये भारताचे प्रतिनिधित्व करणाऱ्या एसएस हकीम यांना दोन दिवसांपूर्वी पक्षाघाताचा झटका आल्याने रुग्णालयात उपचार सुरू होते.

ओ चंद्रशेखर (O Chandrasekhar)

त्याच महिन्यात 1962 आशियाई क्रीडा स्पर्धेत सुवर्णपदक विजेत्या भारतीय संघाचा भाग असलेले भारताचे माजी फुटबॉलपटू आणि ऑलिंपियन ओ चंद्रशेखर यांचे वयाच्या 85 व्या वर्षी त्यांच्या राहत्या घरी निधन झाले. चंद्रशेखर 1960 रोम ऑलिम्पिक भारतीय संघाचे सदस्य होते. देशांतर्गत स्तरावर त्यांनी महाराष्ट्रासह 1963 मध्ये संतोष ट्रॉफी ट्रॉफी जिंकली.

एलीन ऍश (Eileen Ash)

जगातील सर्वात वृद्ध माजी कसोटीपटू एलीन ऍश यांचे वयाच्या 110 व्या वर्षी निधन झाले. त्यांनी 1937 मध्ये इंग्लंडमध्ये पदार्पण केले आणि दुसऱ्या महायुद्धा वेळी सात कसोटी खेळल्या. 2017 आयसीसी महिला एकदिवसीय विश्वचषक फायनलमध्ये त्यांनी लॉर्ड्सवर बेल वाजवली होती.

नोवी कपाडिया (Novy Kapadia)

नोवी कपाडिया, ज्यांना भारतीय फुटबॉलमध्ये ‘अधिकार’ मानले जात होते, त्यांचे नोव्हेंबरमध्ये दीर्घ आजाराने वयाच्या 67 व्या वर्षी निधन झाले. कपाडिया यांनी नऊ FIFA विश्वचषक कव्हर केले आहेत. ते त्यांच्या आयुष्यातील शेवटच्या महिन्यापासून व्हेंटिलेटरवर होते आणि त्यांना मोटर न्यूरॉन आजाराने ग्रासले होते, ही एक दुर्मिळ स्थिती आहे ज्यामुळे मणक्याचे आणि मेंदूतील नसा कालांतराने कार्य करणे थांबवते.

डिंग्को सिंह (Dingko Singh)

बँकॉक येथे 1998 आशियाई क्रीडा स्पर्धेत सुवर्णपदक जिंकणारा बँटमवेट बॉक्सर नगंगोम डिंग्को सिंह यांचे 10 जून 2021 रोजी निधन झाले. डिंग्को अनेक वर्षांपासून आजारीपणाशी झुंज देत होते, यकृताच्या कर्करोगापासून सुरुवात झाली होती, ज्यासाठी 2017 पासून त्याच्यावर उपचार सुरू होते. गेल्या वर्षी, त्यांना कोविड -19 व्हायरसची देखील लागण झाली होती, ज्यामुळे तो आधीच लढत असलेल्या आरोग्याच्या आव्हानांमध्ये आणखी वाढ झाली.