Sourav Ganguly & Rahul Dravid Discuss India's Loss: भारताच्या दारुण पराभवानंतर सौरव गांगुलीने प्रशिक्षक राहुल द्रविडला विचारले खडतर प्रश्न, द्रविडने केला खेळाडूंचा बचाव

टीम इंडियाचे मुख्य प्रशिक्षक राहुल द्रविड यांनी ऑस्ट्रेलियाविरुद्धच्या वर्ल्ड टेस्ट चॅम्पियनशिप फायनलमध्ये प्रथम गोलंदाजी करण्याच्या भारताच्या निर्णयाचा बचाव केला असून, हवामान आणि खेळपट्टी लक्षात घेऊन हा निर्णय घेण्यात आला आहे. विजयासाठी 444 धावांच्या लक्ष्याचा पाठलाग करताना भारतीय संघ पाचव्या दिवशी पहिल्याच सत्रात 234 धावांवर बाद झाला. सामन्यानंतर कॉमेंट्री करत असलेल्या माजी कर्णधार सौरव गांगुलीने द्रविडला काही खडतर प्रश्न विचारले.

नाणेफेक जिंकल्यानंतर प्रथम गोलंदाजी करण्याच्या निर्णयावरही गांगुलीने प्रश्नचिन्ह उपस्थित केले. द्रविड म्हणाला, “आम्ही खेळपट्टीवरील हवामान आणि गवत पाहून हा निर्णय घेतला. नंतर फलंदाजी करणे सोपे जाईल असे आम्हाला वाटले. अलीकडच्या काळात बहुतेक संघ इंग्लंडमध्ये असे निर्णय घेत आहेत." तो म्हणाला, "आम्हाला हा एक चांगला निर्णय वाटला कारण ऑस्ट्रेलियाच्या तीन विकेट 70 धावांवर पडल्या होत्या पण पुढच्या दोन सत्रात आम्ही खूप धावा दिल्या.. आम्ही त्याला 300 धावांवरही बाद करू शकलो असतो, तर आम्ही सामन्यात टिकलो असतो.

पाहा व्हिडिओ -

ऑस्ट्रेलियाकडून भारताचा वर्ल्ड टेस्ट चॅम्पियनशिप पराभूत झाल्यानंतर लगेचच, माजी कर्णधार सौरव गांगुलीने स्टार स्पोर्ट्सवरील एका मुलाखतीदरम्यान त्याला विचारले, "राहुल, तू एक दिग्गज आहेस, परंतु आमचे शीर्ष फळीतील फलंदाज उपखंडाबाहेर का झगडत आहेत?" ''

यावर द्रविड म्हणाला, “आमच्याकडे पहिल्या पाचमध्ये अनुभवी खेळाडू आहेत ज्यांनी उच्च मापदंड प्रस्थापित केले आहेत. या खेळाडूंना भविष्यात दिग्गज म्हटले जाईल. त्यांनी ऑस्ट्रेलियात दोन मालिका जिंकल्या, इंग्लंडमध्ये कसोटी जिंकली. आम्ही जे काही करू शकतो ते करत आहोत.” मात्र द्रविडच्या या उत्तरावर सौरव समाधानी दिसला नाही.