PC-X

UZ Chess Cup 2025: भारताच्या 19 वर्षीय ग्रँडमास्टर आर प्रज्ञानंदने (R Praggnanandhaa) सुपरबेट चेस क्लासिक 2025 चे विजेतेपद जिंकले आहे. ग्रँड चेस टूरमधील हा त्याचा पहिला विजय आहे. या विजयासाठी त्याला 77.667 डॉलर (म्हणजे 66.48 लाख रुपये) आणि ग्रँड चेस टूरचे 10 गुण मिळाले. अशी कामगिरी करणारा बवला पहिला भारतीय आणि जगातील चौथ्या क्रमांकाचा खेळाडू ठरला आहे. हा एक नवा विक्रम त्याने त्याच्या नावावर केला आहे.त्याने अलिरेझा फिरोजा आणि मॅक्सिम वाचियर-लाग्रेव्ह यांच्यासोबत रोमांचक टायब्रेक प्लेऑफ सामना जिंकून सुपरबेट चेस क्लासिक स्पर्धा जिंकली.

9 फेऱ्यांनंतर, प्रज्ञानंद, वाचियर-लाग्रेव्ह आणि फिरोजा यांनी प्रत्येकी 5.5 गुणांसह बरोबरी साधली. त्यानंतर त्रिकोणी टायब्रेकरने निर्णय घेण्यात आला. वाचियर-लाग्रेव्ह आणि फिरोजा, आर प्रज्ञानंद यांच्यासह, दोघांनीही त्यांचे शेवटचे फेरीचे सामने जिंकले. ज्यामुळे टायब्रेकपूर्वी तिन्ही खेळाडू पहिल्या स्थानासाठी समान झाले. टायब्रेकमधील पहिले दोन सामने (प्रज्ञानंद-फिरोजा आणि वाचियर-लाग्रेव्ह-फिरोजा) बरोबरीत संपले.

तिसऱ्या गेममध्ये प्रज्ञानंद विजयी झाला. पहिल्या स्थानासाठी बरोबरी करणाऱ्या इतर दोन खेळाडूंपेक्षा पुढे राहिल्याबद्दल त्याला अतिरिक्त 10,000 डॉलर बोनस देखील मिळाले. गेल्या पाच वर्षांत ग्रँड चेस टूरमध्ये होणारा हा तिसरा प्लेऑफ होता. सुपरबेट चेस क्लासिक 2025 जिंकल्यानंतर, पुरस्कार समारंभ झाला. ज्यामध्ये तांत्रिक संचालक टोनी रिच म्हणाले की टायब्रेक जलद केले गेले. तीन खेळाडूंच्या सहभागामुळे, फक्त एक राउंड-रॉबिन ब्लिट्झ खेळला गेला.