National Games 2022: राष्ट्रीय खेळांमध्ये 10 वर्षीय शौर्यजीतचा जलवा; पंतप्रधान मोदींनी ट्विट करत केलं कौतुक

National Games 2022: गुजरात (Gujarat) मध्ये सुरू असलेल्या 36 व्या राष्ट्रीय खेळांमध्ये (National Games) 10 वर्षीय शौर्यजीत (Shauryajit) ची सर्वत्र चर्चा होत आहे. शौर्यजीतने मल्लखांबवर (Malkhamb) असा पराक्रम दाखवला की सगळेच त्यांचे चाहते झाले आहेत. देशाचे पंतप्रधान नरेंद्र मोदी (Narendra Modi) यांनीही त्यांच्या ट्विटर अकाऊंटवरून व्हिडीओ शेअर करत शौर्यजीतचे कौतुक केले आहे.

पीएम मोदींच्या शेअर व्हिडिओमध्ये शौर्यजित मल्लखांब करताना दिसत आहेत. गुजरातची माहिती विभागाचे ट्विट रिट्विट करत पंतप्रधानांनी लिहिले, शौर्यजित एक स्टार आहे. त्याचवेळी गुजरात इन्फॉर्मेशनने ट्विट करून लिहिले की, शौर्यजित हा नॅशनल गेम्समध्ये सहभागी होणारा सर्वात तरुण मल्लखांब खेळाडू आहे. (हेही वाचा - Urvashi Rautela: ऋषभ पंतच्या पाठोपाठ उर्वशी रौतेलाही पोहोचली ऑस्ट्रेलियाला, म्हणाली - फक्त प्रेमासाठी)

कोण आहे शौर्यजित? 

शौर्यजित हा मूळचा गुजरातचा असून, 30 सप्‍टेंबरला म्हणजेच खेळ सुरू झाल्‍यानंतर काही दिवसांनी त्‍याने वडिलांना गमावले. असे असूनही त्याचे मन डगमगले नाही आणि त्याने यात सहभागी होऊन जोरदार कामगिरी केली. शौर्यजितने आपल्या एका वक्तव्यात म्हटले आहे की, माझ्या वडिलांचे स्वप्न होते की मी राष्ट्रीय स्पर्धेत सुवर्णपदक मिळवावे.

खरे तर शौरजितने आपल्या पराक्रमाने सर्वांची मने जिंकली. त्याने प्रथम जिम्नॅस्टिक आणि कयाकची पोझ दिली. नंतर खांबावर चढून आश्चर्यकारक पराक्रम केले. यादरम्यान कधी त्याने खांबावर चढून खांबाचा आधार घेऊन वेगवेगळ्या पोझ दिल्या.