WTC 2025 Final Scenario: टीम इंडिया आणि ऑस्ट्रेलिया यांच्या विजयाची टक्केवारी समान राहिल्यास, कोणता संघ अंतिम फेरीत प्रवेश जाईल; जाणून घ्या संपूर्ण समीकरण
WTC 2025 Final Scenario: ऑस्ट्रेलिया विरुद्ध भारतीय क्रिकेट संघ (Australia vs India) यांच्यातील 5 सामन्यांच्या कसोटी मालिकेतील पाचवा आणि शेवटचा कसोटी सामना 3 जानेवारीपासून खेळवला जाईल. उभय संघांमधला चौथा सामना सिडनी येथील सिडनी क्रिकेट मैदानावर भारतीय वेळेनुसार पहाटे 5 वाजता खेळवला जाईल. चौथ्या कसोटीत ऑस्ट्रेलियाने टीम इंडियाचा 184 धावांनी पराभव केला. यासह ऑस्ट्रेलियन संघाने मालिकेत 2-1 अशी आघाडी घेतली आहे. या मालिकेत टीम इंडियाची कमान रोहित शर्माच्या हातात आहे. तर ऑस्ट्रेलियाचे नेतृत्व पॅट कमिन्सकडे आहे.
आता या मालिकेतील पाचवी कसोटी सिडनी येथील सिडनी क्रिकेट मैदानावर 3 जानेवारीपासून खेळवली जाणार आहे. रोहित शर्माच्या नेतृत्वाखाली संघाला हा सामना जिंकून मालिकेत बरोबरी साधायची आहे. जर संघाला बॉर्डर-गावस्कर मालिका कायम ठेवायची असेल, तर सिडनीमध्ये कोणत्याही किंमतीवर विजय मिळवावा लागेल. याशिवाय सिडनीमध्ये विजय मिळवून टीम इंडिया वर्ल्ड टेस्ट चॅम्पियनशिपच्या अंतिम फेरीत पोहोचण्याच्या आशाही जिवंत ठेवेल.
बॉर्डर-गावसकर मालिकेतील पाचवा आणि शेवटचा कसोटी सामना टीम इंडियासाठी खूप महत्त्वाचा आहे कारण जर टीम इंडिया त्यात पराभूत झाली तर वर्ल्ड टेस्ट चॅम्पियनशिपच्या फायनलमध्ये जाण्याच्या सर्व शक्यता बंद होतील. दुसरीकडे, ऑस्ट्रेलियन संघ हा सामना जिंकताच अंतिम फेरीतील आपले स्थान जवळपास निश्चित करेल. डब्ल्यूटीसीच्या पॉइंट टेबलमध्ये ऑस्ट्रेलियन संघाची विजयाची टक्केवारी सध्या 61.43 आहे आणि ती दुसऱ्या स्थानावर आहे. या यादीत दक्षिण आफ्रिकेचा संघ पहिल्या क्रमांकावर आहे.
या यादीत टीम इंडिया तिसऱ्या स्थानावर आहे. टीम इंडियाची विजयाची टक्केवारी 52.78 आहे. मेलबर्न येथे ऑस्ट्रेलियाकडून झालेल्या पराभवामुळे टीम इंडियाला मोठा फटका बसला आहे. जर टीम इंडिया ऑस्ट्रेलियाला सिडनीमध्ये पराभूत करण्यात यशस्वी ठरली आणि नंतर श्रीलंका ऑस्ट्रेलियाविरुद्धची आगामी कसोटी मालिका ड्रॉ करण्यात किंवा जिंकण्यात यशस्वी झाली, तर त्याचा फायदा टीम इंडियाला होईल. त्यानंतर टीम इंडिया आणि ऑस्ट्रेलिया या दोघांच्या विजयाची टक्केवारी 55.26% असेल. असे झाल्यास टीम इंडियाला WTC फायनलसाठी पात्र ठरण्याची संधी मिळेल.
ICC चे नियम जाणून घ्या
आयसीसीच्या नियमांनुसार, जर संघांनी समान विजयाच्या टक्केवारीसह गट टप्पा पूर्ण केला, तर अधिक मालिका जिंकणारा संघ अंतिम फेरीत आपले स्थान निश्चित करेल. सध्याच्या WTC सायकलमध्ये टीम इंडियाने अधिक कसोटी खेळल्या आहेत आणि चांगली कामगिरी केली आहे. अशा स्थितीत फायनलसाठी फक्त टीम इंडियाचा दावा असेल.
टीम इंडिया फायनलमध्ये पोहोचू शकेल
सध्या टीम इंडियाला WTC फायनलमध्ये पोहोचण्याची आशा फारशी कमी दिसत आहे. यंदा न्यूझीलंडविरुद्धच्या घरच्या कसोटी मालिकेपूर्वी सर्वकाही टीम इंडियाच्या बाजूने होते, पण आता मेलबर्न कसोटीत टीम इंडियाच्या पराभवानंतर कथा पूर्णपणे बदलली आहे. सिडनीमध्ये विजय मिळवल्यानंतर टीम इंडिया प्रार्थना करेल की श्रीलंकेने ऑस्ट्रेलियाला घरच्या मैदानावर हरवले. येथे श्रीलंकेने मालिका 1-0 किंवा 2-0 ने जिंकली तर त्याचा फायदा टीम इंडियाला होईल.