CSK vs RCB IPL 2025 8th Match Pitch Report: चेन्नईच्या खेळपट्टीवर फलंदाज की गोलंदाज कोणाचे असणार वर्चस्व? वाचा पिच रिपोर्टची संपूर्ण माहिती

Chennai Super Kings vs Royal Challengers Bengaluru: आयपीएल 2025  (IPL 2025) आठवा सामना चेन्नई सुपर किंग्ज विरुद्ध रॉयल चॅलेंजर्स बगंळुरू (Chennai Super Kings vs Royal Challengers Bengaluru) यांच्यात खेळवला जाणार आहे. हा सामना एमए चिदंबरम स्टेडियम, चेन्नई (MA Chidambaram Stadium, Chennai) येथे होणार आहे. रॉयल चॅलेंजर्स बगंळुरूने आपला पहिला विजय निश्चित केला आहे, तर चेन्नई सुपर किंग्जने ही आपल्या पहिल्या विजयाची नोंद केली आहे. अशा परिस्थितीत, दोन्ही संघ आपल्या दुसऱ्या विजयासाठी उत्सुक असेल. म्हणूनच आजचा सामना मनोरंजक असेल. आरसीबीचे कर्णधारपद रजत पाटीदारकडे आहे. तर, सीएसकेची कमान ऋतुराज गायकवाडकडे आहे. आता सीएसके आणि आरसीबी यांच्यातील सामना चेन्नईच्या चेपॉक मैदानावर खेळला जाईल, जिथे सर्व चाहत्यांच्या नजरा खेळपट्टीवर खिळल्या आहेत.

हेड टू हेड रेकाॅर्ड (CSK vs RCB Head to Head)

आयपीएलमध्ये आतापर्यंत आरसीबी आणि सीएसके यांच्यात एकूण 33 सामने खेळले गेले आहेत, त्यापैकी चेन्नई सुपर किंग्जने 21 सामने जिंकले आहेत. त्याच वेळी, आरसीबी संघ 11 मध्ये विजय नोंदवण्यात यशस्वी झाला आहे. तर एका सामन्याचा निकाल लागलेला नाही. चेन्नई संघाने आरसीबीविरुद्ध जास्त सामने जिंकले आहेत. अशा परिस्थितीत, आकडेवारीनुसार, चेन्नईचा वरचष्मा आहे. (हे देखील वाचा: CSK vs RCB Head to Head: चेन्नई आणि बगंळुरूचा आयपीएलमध्ये कसा आहे हेड टू हेड रेकॉर्ड, कोणाचा आहे वरचष्मा; वाचा संपूर्ण तपशील)

चेन्नईच्या खेळपट्टीवर कोणाल मिळणार मदत?

जर आपण चेन्नईतील एमए चिदंबरम स्टेडियमच्या खेळपट्टीबद्दल बोललो तर येथे फिरकीपटूंची जादू जास्त दिसून येते, ज्यामध्ये खेळपट्टीवर दुहेरी उसळी असल्याने फलंदाजांना लवकर धावा काढणे अजिबात सोपे नसते. अशा परिस्थितीत या सामन्यात नाणेफेक खूप महत्त्वाची ठरते. सामना संध्याकाळी खेळला जात असल्याने, नंतर फलंदाजी करणाऱ्या संघाला लक्ष्याचा पाठलाग करणे निश्चितच सोपे होईल.

लक्ष्याचा पाठलाग करणे येथे सोपे नाही

आतापर्यंत येथे 86 आयपीएल सामने खेळले गेले आहेत, त्यापैकी प्रथम फलंदाजी करणाऱ्या संघाने 49 सामने जिंकले आहेत तर लक्ष्याचा पाठलाग करणाऱ्या संघाने 37 सामने जिंकले आहेत. जर आपण पहिल्या डावातील सरासरी धावसंख्येबद्दल बोललो तर ते 160 ते 165 धावांच्या दरम्यान राहते. अशा परिस्थितीत, जर प्रथम फलंदाजी करणाऱ्या संघाने 170 किंवा त्याहून अधिक धावा केल्या तर दुसऱ्या संघासाठी लक्ष्याचा पाठलाग करणे सोपे काम राहणार नाही.

दोन्ही संघांची संभाव्य प्लेइंग 11

चेन्नई सुपर किंग्ज - ऋतुराज गायकवाड (कर्णधार), रचिन रवींद्र, दीपक हुडा, शिवम दुबे, रवींद्र जडेजा, सॅम करन, एमएस धोनी (विकेटकीपर), रविचंद्रन अश्विन, नूर अहमद, नाथन एलिस, खलील अहमद.

रॉयल चॅलेंजर्स बंगळुरू - विराट कोहली, फिल साल्ट, रजत पाटीदार (कर्णधार), लियाम लिव्हिंगस्टोन, जितेश शर्मा (विकेटकीपर), टिम डेव्हिड, कृणाल पंड्या, रसिक दार सलाम, सुयश शर्मा, जोश हेझलवूड, यश दयाल.

(The above story first appeared on LatestLY on Mar 28, 2025 05:26 PM IST. For more news and updates on politics, world, sports, entertainment and lifestyle, log on to our website latestly.com).