IND vs AUS 1st ODI: विराट कोहली सचिन आणि रोहितला टाकू शकतो मागे, फक्त करावं लागेल 'हे' काम
एकदिवसीय विश्वचषकापूर्वी भारत आणि ऑस्ट्रेलिया शेवटच्या वेळी आमनेसामने येणार आहेत. या मालिकेत भारतीय संघाचा स्टार खेळाडू विराट कोहलीला (Virat Kohli) मोठा विक्रम करण्याची संधी आहे.
भारत आणि ऑस्ट्रेलिया (IND vs AUS) यांच्यातील तीन एकदिवसीय सामन्यांच्या मालिकेतील पहिला सामना आज खेळवला जात आहे. मुंबईतील वानखेडे स्टेडियमवर या सामन्याचे आयोजन करण्यात आले आहे. या सामन्यात भारताने नाणेफेक जिंकून गोलंदाजी करण्याचा निर्णय घेतला आहे. या सामन्यात हार्दिक पांड्या भारतीय संघाचे नेतृत्व करत आहे, तर ऑस्ट्रेलियाची कमान स्टीव्ह स्मिथच्या हाती आहे. या मालिकेत भारतीय संघाचा स्टार खेळाडू विराट कोहलीला (Virat Kohli) मोठा विक्रम करण्याची संधी आहे. (हे देखील वाचा: Rohit Sharma ने मेहुण्याच्या लग्नात केली धमाल, पत्नी रितिकासोबत डीजेवर केला जबरदस्त डान्स (Watch Video)
रोहित आणि तेंडुलकरला मागे टाकण्याची विराट कोहलीला संधी
खरं तर, विराट कोहलीने आत्तापर्यंत ऑस्ट्रेलियाविरुद्ध एकदिवसीय सामन्यांमध्ये 8 शतके झळकावली आहेत आणि जर त्याने तीन एकदिवसीय सामन्यांच्या मालिकेत 2 शतके झळकावली तर तो ऑस्ट्रेलियाविरुद्ध सर्वाधिक एकदिवसीय शतक झळकावणारा आणि मास्टर-ब्लास्टर सचिन तेंडुलकरचा ऑस्ट्रेलियाविरुद्धचा सर्वात जास्त 9 वनडे शतकांचा विक्रम मोडेल. त्याचबरोबर तो संघाचा कर्णधार रोहित शर्मालाही मागे टाकेल, ज्याने ऑस्ट्रेलियाविरुद्ध वनडेमध्ये 8 शतके झळकावली आहेत.
सचिन तेंडुलकर सोबत करणार बरोबरी
दुसरीकडे, या मालिकेत कोहलीने आपल्या सर्वोत्तम फॉर्ममध्ये राहून तिन्ही सामन्यांमध्ये शतके झळकावली, तर तो वनडेत सर्वाधिक शतके झळकावणाऱ्या सचिन तेंडुलकरची बरोबरी करेल. सचिनच्या नावावर एकदिवसीय क्रिकेटमध्ये 49 शतके आहेत तर कोहलीची सध्या 47 शतके आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)