Virat Kohli and Anushka Sharma at Krishna Das Kirtan: न्यूझीलंडकडून पराभवानंतर विराट कोहली पोहचला कीर्तनला, पत्नी अनुष्का शर्माने घेतला गाण्यांचा आनंद - Watch Video
करवा चौथ 2024 च्या निमित्ताने विराट कोहली आणि अनुष्का शर्मा मुंबईत एकत्र दिसले होते, मात्र यावेळी त्यांनी करवा चौथचा उपवास करण्याऐवजी एका खास पूजेत भाग घेतला.
Virat Kohli and Anushka Sharma at Krishna Das Kirtan: भारत आणि न्यूझीलंड यांच्यातील तीन सामन्यांच्या कसोटी मालिकेतील दुसरा कसोटी सामना पुण्यातील महाराष्ट्र क्रिकेट असोसिएशन स्टेडियमवर खेळवला जाणार आहे. रोहित शर्माच्या नेतृत्वाखाली भारतीय संघ सलग सहा विजयानंतर न्यूझीलंडविरुद्धच्या पहिल्या कसोटी सामन्यासाठी मैदानात उतरला, ज्यामध्ये बांगलादेशविरुद्धच्या एकतर्फी विजयाचाही समावेश होता. मात्र यावेळी भारतीय संघाची कामगिरी निराशाजनक राहिली आणि न्यूझीलंडने हा सामना 8 विकेटने जिंकला. दुसऱ्या कसोटी सामन्यापूर्वी, करवा चौथ 2024 च्या निमित्ताने विराट कोहली आणि अनुष्का शर्मा यांनी मुंबईत कृष्ण दास कीर्तनात भाग घेतला, ज्याचा व्हिडिओ सोशल मीडियावर व्हायरल होत आहे. (हेही वाचा - न्यूझीलंडविरुद्ध पराभवानंतर ICC World Test Championship च्या अंतिम फेरीत पोहोचण्यासाठी भारताला आता किती सामने जिंकावे लागतील? समजून घ्या समीकरण )
पाहा व्हिडिओ -
The way Virat is enjoying the Kirtan, he has totally lost in this moment 🥹❤️ pic.twitter.com/mVdnsWNxxy
— Virat Kohli Fan Club (@Trend_VKohli) October 21, 2024
कोहली आणि अनुष्का यांनी कीर्तनात घेतला सहभाग
करवा चौथ 2024 च्या निमित्ताने विराट कोहली आणि अनुष्का शर्मा मुंबईत एकत्र दिसले होते, मात्र यावेळी त्यांनी करवा चौथचा उपवास करण्याऐवजी एका खास पूजेत भाग घेतला. मिळालेल्या माहितीनुसार, हे प्रसिद्ध कृष्ण दास कीर्तन होते, ज्यामध्ये विराट आणि अनुष्का सहभागी झाले होते. सोशल मीडियावर व्हायरल झालेल्या व्हिडिओमध्ये, अनुष्का एका सुंदर पांढऱ्या पोशाखात दिसत आहे, तर विराटने कॅज्युअल कपडे घातले होते आणि तो खूपच आरामदायक दिसत होता
व्हिडिओमध्ये ते दोघे कीर्तनादरम्यान संगीतात हरवलेले आणि मंत्रमुग्ध झालेले दिसत आहेत. एका व्हिडिओमध्ये अनुष्का तिथे होत असलेले कीर्तन गातानाही दिसली. या दृश्याने त्याच्या चाहत्यांमध्ये उत्साह संचारला आहे. खालील लिंकवर जाऊन तुम्ही व्हिडिओ पाहू शकता.
(The above story first appeared on LatestLY on Oct 21, 2024 03:48 PM IST. For more news and updates on politics, world, sports, entertainment and lifestyle, log on to our website latestly.com).
