Trinbago Knight Riders vs Barbados Royals CPL 2024 Scorecard: कॅरिबियन प्रीमियर लीगमध्ये त्रिनबागो नाइट रायडर्सकडून बार्बाडोस रॉयल्सचा 30 धावांनी पराभव; सामन्याचे स्कोअरकार्ड येथे पहा
बार्बाडोस रॉयल्ससमोर विजयासाठी १७६ धावांचे लक्ष्य होते. परंतु २० षटकांत त्यांना १४५ धावाच करता आल्या. संघाकडून अलिक अथनाजेने 33 चेंडूत 44 धावांची खेळी केली. तर, डेव्हिड मिलरने 15 चेंडूत 30 धावांची खेळी केली.
Trinbago Knight Riders vs Barbados Royals CPL 2024 Scorecard: कॅरिबियन प्रीमियर लीग (CPL) मधील त्रिनबागो नाइट रायडर्स (TKR) विरुद्ध बार्बाडोस रॉयल्स 27 सप्टेंबर (शनिवार) रोजी त्रिनिदाद येथील ब्रायन लारा क्रिकेट अकादमी येथे खेळला गेला. रोमहर्षक सामन्यात त्रिनबागो नाईट रायडर्स (TKR) ने बार्बाडोस रॉयल्सचा 30 धावांनी पराभव केला. प्रथम फलंदाजी करताना त्रिनबागो नाइट रायडर्सने 20 षटकांत 175 धावा केल्या. ज्यामध्ये कर्णधार किरॉन पोलार्डने 27 चेंडूत 42 धावांची महत्त्वपूर्ण खेळी खेळली. त्यांच्याशिवाय केसी कार्टीने 34 चेंडूत 32 धावा केल्या. आंद्रे रसेलने 12 चेंडूत 31 धावा करत संघाला मजबूत धावसंख्या उभारण्यास मदत केली.
बार्बाडोस रॉयल्सने नाणेफेक जिंकून प्रथम गोलंदाजी करण्याचा निर्णय घेतला. खेळपट्टी फलंदाजांसाठी चांगली होती. पण, शेवटी त्रिनबॅगोच्या गोलंदाजांनी चांगली कामगिरी केली. त्रिनबागो नाईट रायडर्सचा गोलंदाज अकील हुसेनने 4 षटकात केवळ 15 धावा देत 3 बळी घेतले. ज्यामुळे त्याला सामनावीराचा पुरस्कार मिळाला. याशिवाय ख्रिस जॉर्डनने 33 धावांत 3 बळी आणि टेरेन्स हिंड्सने 22 धावांत 2 बळी घेतले.
त्रिनबागो नाइट रायडर्स विरुद्ध बार्बाडोस रॉयल्स सामन्याचे स्कोअरकार्ड
TKR emerge victorious over the Royals!🇹🇹#CPL24 #TKRVBR #CricketPlayedLouder #BiggestPartylnSport #Skyfair pic.twitter.com/fW0JESOpJR
— CPL T20 (@CPL) September 28, 2024
बार्बाडोस रॉयल्ससमोर विजयासाठी 176 धावांचे आव्हानात्मक लक्ष्य होते, परंतु त्यांना 20 षटकांत केवळ 145 धावा करता आल्या. संघाकडून अलिक अथनाजेने 33 चेंडूत 44 धावांची खेळी केली, तर डेव्हिड मिलरने 15 चेंडूत 30 धावा केल्या. बार्बाडोस रॉयल्ससाठी महेश थेक्षाना आणि नवीन-उल-हक यांनी शानदार गोलंदाजी करत 35 धावांत 3-3 बळी घेतले.
(The above story first appeared on LatestLY on Aug 17, 2776 05:27 PM IST. For more news and updates on politics, world, sports, entertainment and lifestyle, log on to our website latestly.com).
