IND vs AUS 2nd Test 2024: ॲडलेड कसोटीपूर्वी टीम इंडियाला मिळाली आनंदाची बातमी, स्टार खेळाडू मैदानात परतण्यासाठी सज्ज!
IND vs AUS: विशेष म्हणजे शुभमनला पाहिल्यानंतर तो अंगठ्याच्या दुखापतीतून पूर्णपणे बरा झाल्याचं दिसत होतं. दुखापतीमुळे गिल पर्थ कसोटीत संघात नव्हता. जर हा उजव्या हाताचा फलंदाज पूर्णपणे तंदुरुस्त होऊन ॲडलेडमध्ये मैदानात उतरला तर टीम इंडियासाठी ती मोठी बूस्टर असेल.
Shubman Gill: ॲडलेडमध्ये ऑस्ट्रेलियाविरुद्ध पिंक बॉल कसोटी सामन्यापूर्वी टीम इंडियासाठी मोठी बातमी आली आहे. ही आनंदाची बातमी आहे शुभमन गिलबद्दल (Shubman Gill). कॅनबेरा येथे भारतीय संघाच्या पहिल्या सराव सत्रात गिल फलंदाजी करताना दिसला. विशेष म्हणजे शुभमनला पाहिल्यानंतर तो अंगठ्याच्या दुखापतीतून पूर्णपणे बरा झाल्याचं दिसत होतं. दुखापतीमुळे गिल पर्थ कसोटीत संघात नव्हता. जर हा उजव्या हाताचा फलंदाज पूर्णपणे तंदुरुस्त होऊन ॲडलेडमध्ये मैदानात उतरला तर टीम इंडियासाठी ती मोठी बूस्टर असेल. (हे देखील वाचा: India vs Prime Minister XI Live Streaming: ॲडलेडमध्ये ऑस्ट्रेलियाच्या आधी रोहित शर्मा 'या' संघाविरुद्ध खेळणार सामना, तुम्ही येथे पाहू शकता विनामूल्य मॅच)
गिल फिट दिसत आहे
अंगठ्याच्या दुखापतीमुळे बॉर्डर-गावस्कर मालिकेतील पहिला कसोटी सामना खेळू न शकलेला शुभमन गिल सराव सत्रात पूर्णपणे तंदुरुस्त दिसत होता. दुखापतीनंतर गिल प्रथमच नेटसेशनमध्ये दिसला आणि तो चांगल्या फॉर्ममध्ये असल्याचे दिसून आले. बीसीसीआयने शेअर केलेल्या व्हिडिओमध्ये गिल गुलाबी चेंडूने फलंदाजीचा सराव करताना दिसत आहे. गिलने व्हिडिओमध्ये सांगितले की, तो आता पूर्वीपेक्षा खूप बरा आहे आणि दुखापतीतून जवळजवळ सावरला आहे.
Shubman Gill hits the nets for the first time since his thumb injury that forced him to miss the Perth Test.
Here’s how the star batter is shaping up! #TeamIndia | #AUSvIND | @ShubmanGill pic.twitter.com/sZtbvQhgLn
— BCCI (@BCCI) November 29, 2024
देवदत्त पडिक्कल ठरला फ्लाॅप
उल्लेखनीय आहे की, दुखापतीमुळे शुभमन पहिल्या कसोटीत भारतीय संघाचा भाग नव्हता. गिलच्या जागी देवदत्त पडिक्कलला तिसऱ्या क्रमांकावर खेळण्याची संधी मिळाली. मात्र, पडिक्कलला फलंदाजीत काही विशेष कामगिरी करता आली नाही. पहिल्या डावात तो खाते न उघडताच पॅव्हेलियनमध्ये परतला, तर दुसऱ्या डावात डावखुऱ्या फलंदाजाने 25 धावा केल्या.
गिल परतल्यावर कोण होणार बाहेर
शुभमन गिलचा फिटनेस भारतीय संघासाठी दिलासा देणारी बातमी आहे. मात्र, ऍडलेड कसोटीत शुभमनच्या जागी प्लेइंग इलेव्हनमध्ये कोण खेळणार हे पाहणे रंजक ठरेल. दुसऱ्या कसोटीत रोहित शर्माचे पुनरागमन निश्चित असून देवदत्त पडिक्कलला बाहेर बसावे लागू शकते. ध्रुव जुरैलची जागा गिल अंतिम अकरामध्ये घेईल, असे मानले जात आहे. पर्थ येथे खेळल्या गेलेल्या पहिल्या कसोटीत ध्रुव आपल्या फलंदाजीने फारसा प्रभाव पाडू शकला नाही. यष्टीरक्षक फलंदाजाने पहिल्या डावात 11 धावा केल्या तर दुसऱ्या डावात फक्त एक धाव केली.
(The above story first appeared on LatestLY on Nov 29, 2024 05:37 PM IST. For more news and updates on politics, world, sports, entertainment and lifestyle, log on to our website latestly.com).
