टी-20 वर्ल्ड कपच्या आयोजनावर 2022 पर्यंत स्थगिती निश्चित, उद्या ICC च्या बैठकीत मोठ्या घोषणेची शक्यता
आंतरराष्ट्रीय क्रिकेट कौन्सिलच्या सर्वसमर्थन बोर्डाकडून गुरुवारी टेलि कॉन्फरन्स बैठकीनंतर ऑस्ट्रेलियामध्ये यंदा आयोजित होणाऱ्या टी-20 विश्वचषक स्पर्धेच्या स्थगिती औपचारिक घोषणा होण्याची अपेक्षा आहे. ही स्पर्धा 2022 पर्यंत पुढे ढकलली जाऊ शकते, ज्यामुळे ऑक्टोबरमध्ये इंडियन प्रीमियर लीगसाठी विंडो उघडेल.
आंतरराष्ट्रीय क्रिकेट कौन्सिलच्या (ICC) सर्वसमर्थन बोर्डाकडून गुरुवारी टेलि कॉन्फरन्स बैठकीनंतर ऑस्ट्रेलियामध्ये यंदा आयोजित होणाऱ्या टी-20 विश्वचषक (World Cup) स्पर्धेच्या स्थगिती औपचारिक घोषणा होण्याची अपेक्षा आहे. ही स्पर्धा 2022 पर्यंत पुढे ढकलली जाऊ शकते, ज्यामुळे ऑक्टोबरमध्ये इंडियन प्रीमियर लीगसाठी विंडो उघडेल. कोविड-19 (COVID-19) च्या प्रसारामुळे औपचारिकरित्या निर्णय घेतल्यास येत्या काही महिन्यांत सभासदांना त्यांचे द्विपक्षीय ब्लू प्रिंट पाठविण्याची संधी मिळेल. गुरुवारी होणाऱ्या बोर्डाच्या बैठकीत वर्ल्ड टी-20 पुढे ढकलण्याचा निर्णय घेण्याची चांगली संधी आहे. औपचारिक घोषणा होईल की नाही हा प्रश्न आहे,” आयसीसी बोर्डाच्या एका सदस्याने नाव न छापण्याच्या अटीवर पीटीआयला सांगितले. “सध्य परिस्थितीत वर्ल्ड टी-20 पुढे जाण्याची फारच कमी शक्यता आहे. क्रिकेट ऑस्ट्रेलिया (Cricket Australia) किंवा अन्य बोर्डांपैकी कोणी हा मनावर घेईल असे मला वाटत नाही,” असे ते पुढे म्हणाले. (भारताच्या 2021 टी-20 वर्ल्ड कप यजमानपदाला धोका, ICC ने Tax प्रकरणावरून होस्टिंग अधिकार हिसकावण्याची दिली धमकी)
दरम्यान, या बैठकीत आयसीसी बोर्ड भारतातील 2021 टी-20 वर्ल्ड कप करमुक्त करण्याच्या मुद्दय़ावरही चर्चा करणार असल्याचे म्हटलं जात आहे. बीसीसीआयनेलॉकडाउनच कारण देत सरकारकडून स्पष्ट चित्र मिळावे यासाठी अधिक वेळ मागितला आहे. यापूर्वीच 2016 वर्ल्ड टी-20 कर सवलत प्रकरणाचा संदर्भ न्यायाधिकरणाकडे देण्यात आला आहे. करात सूट मिळवण्याची अंतिम मुदत डिसेंबर 2019 होती परंतु जेव्हा देशातील विद्यमान कर कायद्यांचा विचार केला जातो तेव्हा बीसीसीआय फारच काही करू शकत नाही असे त्यांनी म्हटले.
दुसरीकडे, वर्षाखेरीस भारत ऑस्ट्रेलिचा दौरा करेल असेही सुरक्षितपणे म्हटले आहे कारण कोरोनामुळे झालेल्या आर्थिक नुकसानीची भरपाई करण्यासाठी द्विपक्षीय गुंतवणूकीला अधिक महत्त्व दिले जाऊ शकते. “भारत ऑस्ट्रेलियामध्ये नक्कीच जात आहे आणि इंग्लंड भारतात पाच सामन्यांच्या मालिकेसाठी दौरा करेल. दक्षिण आफ्रिका टी-20 मालिकेचा प्रश्न आहे, तर आयसीसीच्या धोरणात्मक बाबींचा विचार करता दक्षिण आफ्रिका काय करायचे ते ठरवेल," असेही सूत्रांनी सांगितले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)