AUS vs SA, WTC Final 2025: बावुमाचा झेल पकडताना Steve Smith जखमी; बोटाच्या दुखापतीमुळे गेला मैदानाबाहेर (Video)
दक्षिण आफ्रिकेचा संघ अजूनही विजयापासून बऱ्याच धावा दूर आहे. ऑस्ट्रेलियाला सलग दुसऱ्यांदा विजेतेपद जिंकण्यासाठी 8 विकेट्सची आवश्यकता आहे.
AUS vs SA, WTC Final 2025: जागतिक कसोटी अजिंक्यपद 2025 (WTC 2025) चा अंतिम सामना ऑस्ट्रेलिया आणि दक्षिण आफ्रिका (AUS vs SA) यांच्यात खेळला जात आहे. या सामन्यात ऑस्ट्रेलियन खेळाडूंनी शानदार कामगिरी केली आहे आणि दक्षिण आफ्रिकेला जिंकण्यासाठी 282 धावांचे लक्ष्य दिले आहे. दक्षिण आफ्रिकेने जागतिक कसोटी अजिंक्यपदाच्या तिसऱ्या दिवशी ऑस्ट्रेलियन गोलंदाजांचा चांगला सामना केला आणि चहा ब्रेकपर्यंत 2 विकेट्सच्या मोबदल्यात 94 धावा केल्या. तथापि, चहापानापूर्वी दक्षिण आफ्रिकेच्या दुसऱ्या डावात, ऑस्ट्रेलियन संघाला मोठा धक्का बसला. पहिल्या स्लिपमध्ये क्षेत्ररक्षण करताना स्टीव्ह स्मिथ(Steven Smith) दक्षिण आफ्रिकेचा कर्णधार टेम्बा बावुमाचा झेल पकडताना जखमी झाला. झेल तर सुटलाच पण त्याच्या बोटालाही दुखापत झाली.
स्टीव्ह स्मिथ स्टंपपासून सुमारे 14 मीटर अंतरावर उभा होता. जखमी झाल्यानंतर तो वेदनेने जमिनीवर पडला आणि त्याला नंतर मैदानाबाहेर जावे लागले. त्यानंतर त्याच्या जागी सॅम कॉन्स्टासला क्षेत्ररक्षणासाठी उतरावे लागले.
Cricket Australia have confirmed Steve Smith has suffered a compound dislocation of his right little finger 🤕 pic.twitter.com/gISC1c4hwn
— ESPNcricinfo (@ESPNcricinfo) June 13, 2025
पहिल्या डावात 212 धावा केल्यानंतर, ऑस्ट्रेलियाने दक्षिण आफ्रिकेला 138 धावांवर गुंडाळून 74 धावांची आघाडी घेतली. त्याच वेळी, दुसऱ्या डावात 207 धावा करून ऑस्ट्रेलिया सर्वबाद झाला. अशाप्रकारे, ऑस्ट्रेलियाने जागतिक कसोटी अजिंक्यपद स्पर्धेचा अंतिम सामना जिंकण्यासाठी दक्षिण आफ्रिकेला 282 धावांचे लक्ष्य दिले आहे.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
